The Guardian shkruan se " Ushtria egjyptiane e përfshirë në arrestime dhe torturë".

Sipas gazetes, Arabia Saudite ka kërcënuar të ndihmojë financiarisht Presidentin Mubarak, nëse Shtëpia e Bardhë do të tentojë të bëjë një ndryshim të shpejt të regjimit në Egjypt.

Në një telefonatë më 29 Janar, Mbreti Abdullah i ka thënë Presidentit Obama të mos e poshtërroj Presidentin Mubarak dhe paralajmëroi se ai do të ndërhynte për të financuar Egjyptin, nëse SHBA do të tërhiqte programin e vetë të ndihmës me një vlerë prej 1.5 miliardë dollarësh çdo vit, shkruan The Times.

Aleati i ngushtë i Amerikës në Gji, e bërri të qartë se Presidenti egjyptian duhet të lejohet të qëndroj për të mbikqyrur tranzicionin drejt një demokracie paqësore dhe më pas të largohet me dinjitet, shkruan The Times.

Gazeta The Guardian ka si titull kryesor" Ushtria egjyptiane e përfshirë në arrestime dhe torturë".

Ushtria akuzohet se ka targetuar qindra protestues anti-qeveritar, shkruan The Guardian.

Ushtria ka pretenduar se ka qënë neutrale, thjesht duke mbajtur larg protestuesit anti-Mubarak dhe besnikët e tij.

Por aktivistët e të drejtave të njeriut thonë se është e qartë se nuk është më kështu, duke akuzuar ushtrinë për përfshirje si në zhdukje personash ashtu dhe në tortura.

The Guardian ka folur me të arrestuar që thonë se janë rrahur egërsisht dhe abuzuar nga ushtria në atë që duket se është një fushatë e organizuar frikësimi, shkruan The Guardian e Londrës.

Shtypi i sotëm britanik shkruan edhe për skandalin e përgjimit të telefonave.

Sipas The Independent, Scotland Yard, policia britanike, pranoi dje në mbrëmje se ka zbuluar viktima të reja potenciale të skandalit të përgjimit të telefonave, duke hapur rrugën për pretendimet e reja kundër privacisë së politikanëve dhe figurave të artit, ndaj medias se manjatit Rupert Murdok.

Ndërkohë nga sporti, ekipi i Premierligës angleze West Ham duket se do të fitojë betejën për të përdorur Stadiumin Olimpik në Londër pas Lojrave të 2012, pasi zyrtarët vendosën se kërkesa e tyre kishte përparësi ndaj asaj të ekipit tjetër, atij të Totenhemit, shkruan The Times.

West Ham kërkon të ruaj pistën e vrapimit, ndërkohë Totenhem dëshiron ta prish stadiumin që po ndërtohet dhe të ndërtojë një stadium tjetër vetëm për futboll, shkruan sot The Times e Londrës.