TIMES dhe GUARDIAN flasin për presidentin Mubarak si njeriu "në buzë të greminës" pas njoftimit të ushtrisë se nuk do të përdorë forcën kundër protestuesve.

Kjo do të thotë sipas gazetës TIMES, që shansi i tij i fundit, për mbijetesë duket të jetë zhdukur.

Figura udhëheqëse e opozitës, Mohamed El Baradei, i ka thënë një intervistë gazetës INDEPENDENT.

Kjo e përditshme e cilëson atë si "njeriun që mund të bëhet president, apo shpëtimtarin në pritje të Egjiptit."

Zoti El Baradei thotë se është i sigurt që zoti Mubarak do të ikë, por nuk beson se ndryshimi do të rezultojë në një qeveri fetare, apo një rregjim që është armiqësor ndaj Izraelit.

DAILY TELEGRAPH publikon dokumente, që kanë rënë në duart organizatës Wikileaks, e që tregojnë se si ministra të qeverisë laburiste e kanë këshilluar në mënyrë sekrete qeverinë e Libisë se si të sigurojë lirimin e hershëm të personit të dënuar për bombën në avion që ra në Lockerbie.

Një ministër i Foreign Office thuhet se kishte dërguar këshilla ligjore se si të përdorej diagnoza me kancer për Abdelbaset Al-Megrahi që të bëhej lirimi i tij për arsye humane.

Gazeta thotë se këto njoftime prekim pretendimet e mëhershme të bëra nga qeveria se nuk kishte patur gisht në lirimin e zotit Megrahi dhe se vendimi ishte marrë nga Ekzekutivi skocez.

"Çmenduri futbolli" i cilëson DAILY MIRROR shpenzimet marrëmendëse në historinë e Premierligës angleze" ku transfertat e janarit nga të gjitha klubet kanë shkuar në 200 milion stërlina.

Sipas gazetës SUN, kjo shkallë shpenzimet i ka habitur britanikët e goditur nga recesioni.

GUARDIAN e cilëson "ditën kur marrëzia u rikthye në futboll".

DAILY MAIL thotë se sporti po tregon shenjën e fitores në një kohë masash shtrënguese për ekonominë.

DAILY MAIL deklaron se jetojmë në një epokë "të punësimit me orë të kufizuara".

"Nga rreth 200 mijë vende pune u krijuan vitin e kaluar në Britani, vetëm 3 për qind ishin me orar të plotë."

E përditshmja thotë se këto shifra janë shqetësuese lidhur me për rimëkëmbjen e ekonomisë.

GUARDIAN, thotë se aktorët britanikë prej vitesh kishin mbuluar një treg të Hollivudit për të luajtur personazhe të këqija.

Kompania Warner Bros ka njoftuar se 27 vjeçari Henry Cavill do të luajë Superman-in në filmin me të njëjtin titulll.

Kjo do të thotë se tani është hera e parë që aktorë britanikë luajnë rolet kryesore të filmave me superheronj.

Andrew Garfield është Spiderman, kurse Christian Bale është Batman.

"Kur është fjala për heronj amerikanë, askush nuk mund ta luajë më mirë rolin, sesa një britanik i vërtetë," komenton DAILY MAIL.