Zëdhënësi i qeverisë së Kosovës tha se këto janë akuza te ricikluara së fundmi në raportin e Dik Martit

Në shkrimin e Paul Lewis me titull:" Një peshk i madh në krimin e organizuar- vlerësimi sekret i Nato-s për Kryeministrin e Kosovës", gazeta boton edhe një fotografi të kryeministrit Hashim Thaçi.

Sipas gazetës, The Guardian Kryeminstri Thaçi është identifikuar si një nga "peshqit e mëdhenj" të krimit të organizuar në vendin e tij, sipas raporteve të shërbimeve perëndimore të zbulimit të siguruar nga The Guardian.

Dokumente të NATO-s të klasifikuar "sekrete" tregojne se SHBA dhe fuqitë e tjera perëndimore që mbeshtesin qeverinë e Kosovës kanë pasur dijeni për lidhjet e tij kriminale për vite me rradhë, shkruan sot The Guardian.

Ato po ashtu identifikojnë edhe një politikan tjetër të lartë në pushtet në Kosovë, që ka lidhje me mafian shqiptare, duke deklaruar se ai ushtron një kontroll të madh tek Thaçi, një ish udhëheqës gueril.

Me shënimin "US KFOR ", ato ofrojnë informacione të detajuara për rrjetet e krimit të organizuar në Kosovë të bazuara në raportime të informatorëve dhe agjensive perëndimore të zbulimit, shkruan sot The Guardian.

Ndër të tjera në këtë shkrim të gazetës londineze The Guardian, shkruhet se Nato tha në një deklaratë dje në mbrëmje se kishte nisur një "hetim të brëndshëm" për dokumentet e publikuara, të cilat janë vlerësime zbulimi të prodhuara në periudhën rreth vitit 2004, pak përpara se tensionet me sërbët çuan në protesa në Kosovë.

Në dokumente, sipas The Guardian përmend edhe Xhavit Halitin, një shef i logjistikës së UÇK-së, i cili është tani një aleat i ngushtë i Kryeministrit dhe një deputet i lartë në partinë në pushtet PDK.

Haliti pritet të jetë në delegacionin zyrtar të Kosovës në Strasburg gjatë ditës së martë dhe ka luajtur një rol kryesor në përpjekjet për të minuar raportin e Martit në publik.

Duke e cilësuar atë si " pusheti pas Hashim Thaçit" një raport deklaron se Haliti ka lidhje të forta me mafian shqiptare dhe shërbrimin sekret të Kosovës të njohur si Kshik.

Sipas gazetës The Guardian Haliti nuk ka qënë i disponueshëm për koment.

Megjithatë në një intervistë dhënë Balkan Insight javën e kaluar ai e ka hedhur poshtë raportin e Martit si "politik" dhe "i projektuar për të diskretituar UÇK."

Duke reaguar ndaj pretendimeve në raportet sekrete të Nato-s, nëe zëdhënës i qeverisë së Kosovës dje në mbrëmje tha se këto janë akuza që kanë qarkulluar prej më shumë se një dekade dhe te ricikluara së fundmi në raportin e Dik Martit.

Ato bazohen në thashetheme dhe të dhëna të qëllimshme të rreme sekrete sërbe", shkruan sot The Guardian e Londrës.