E përditshmja The Independent tregon fotografi nga ajri të qindra shtëpive të përmbytura nën titullin "qyteti i mbytur".

Gazeta thotë se dhjetëra janë të zhdukur, mijëra të pastrehë ndërsa përmbytjet po shkatërrojne qytetin Brisbane.

Një e përditshmje tjetër The Guardian ka në faqe të parë fotografinë e 13-vjeçarit Jordan Rice që është bërë fytyra publike e gjithë kësaj katastrofe.

Ai vdiq në Toowoomba pas u kishte thënë ekipeve të shpëtimit që ta lënë atë dhe shpëtojnë vëllaun e tij të vogël 10 vjeçar, Blake.

E përditshmja The Times thotë se guximi i tij i ka mahnitur gjithë kombin.

Disa gazeta komentojnë sot edhe vrasjet e të shtunës së kaluar në SHBA.

E përditshmja The Indepenedent thotë se ish kandidatja për zevendës-presidente republikane në zgjedhjet e kaluara në SHBA, Sarah Palin foli për herë të parë dje në lidhje me të shtënat në Arizonë.

Gazeta thotë se video e saj tetë minuta gjatë ishte dicka mes mospërfilljes dhe mbrojtjes
ndaj akuzave të së majtës amerikane e cila thotë se e djathta kishte përgjithësi në nxitjen e vrasjeve në Arizonë.

The Daily Mail ja kushton faqen e parë paralajmërimeve për rritjen e çmimeve të benzinës gjatë Pashkëve të ardhshme.

Çmimi i ri supozohet të arrijë 6,18 sterlia pë një fuqi. Kjo sipas gazetës bëhet për shkak të rritjes se taksave dhe çmimeve të naftës.

Edhe Daily Express është i zemëruar me paralajmërimin për rritje të çmimeve të karburanteve dhe i ka bërë thirrje ministrave që të mendojne mire para se të vendosin për këtë rritje në prill.

Nga ngjarje të tjera qeveria britanike sic njofton The Times ka plane për të mbyllur tri burgje në Angli.

Gazeta beson se mbylljet janë një shenjë tjetër se Sekretari i Drejtësisë, Kenneth Clarke do të sfidojë kundërshtimet brenda vetë partisë për planet e tij për zvogëlimin e numrit të të burgosurve në këtë vend.