Në këtë bankë shteti britanik ka 83 për qind të aksioneve

The Independent në faqe të parë ka titullin: "Pyteja 1 miliardë stërlinëshe". Dhe nëntitullin:" Qeveria është pronare e 83 për qind të aksioneve të bankës RBS. Përse pretendon se është e pafuqishme të pengojë një raund të trupshëm shpërblimesh bankare?"

Sipas The Independent, kjo bankë në masën 83 për qind është pronë e taksapaguesve britanik, ka më shumë se 45 miliardë stërlina ndihmë direkte të dhënë në këtë bankë, 280 miliardë stërlina të huave të rrezikuara janë të siguruara dhe një shumë tjetër prej 8 miliardë stërlinash është vënë mënjanë, nëse gjërat përkeqësohen.

Por qeveria dje këmbënguli dje se nuk do të ndërhyjë për të penguar shefin ekzekutiv të Royal Bank of Scotland RBS, Stephen Hester të fitojë deri në 9 milionë stërlina për punën e bërë gjatë vitit të kaluar.

Madje as nuk do të kërkojë vënien e një kufiri tavan për shpërblimet në më shumë se 1 miliardë stërlina që kjo bankë pronë e shtetit planfikon të jap për të shpërblyer stafin tashmë të pasur të saj, shkruan The Independent.

Po për këto shpërblime shkruan sot edhe The Times në faqe të parë. Kemërën injorn Ministrin e Biznesit Cable dhe mbështet qëndrën finaciare, City.

Downing Street dje u tërhoq nga vendosja e rregullave më të ashpra nga shpërblimet e bankave dhe nuk pranojë një bastisje taksash ndaj bankave në një lëvizje që do të konsiderohet si një tjetër grusht ndaj Ministrit të Biznesit Vince Cable nga Liberaldemokratët në koalicion, shkruan The Times.

The Guardian ka si titull kryesor: "Ministrat sprapsen përpara bankave për çështjet e shpërblimeve.

The Guardian shkruan se bankave britanike ju dha drita jeshile dje për të paguar shpërblime pakufijë, duke i dhënë fund një beteje politike dy vjeçare për të vënë qëndrën financiare nën kontroll.

Opozita Laburiste e akuzoi qeverinë për kapitullim dhe i ka lënë bankat ti shpëtojnë grepit, duke i kërkuar qeverisë të rrisin taksën e shpërblimeve, të cilat arriten të sigurojnë një shumë prej 3.5 miliardë stërlinash në vit, pasi hyrjes së saj në fuqi në kohën e Ministrit laburist të Financave në dhjetor të 2009-ës, shkruan The Guardian.

The Financial Times boton në faqe të parë një fotografi përpara zyrës së kryeministrisë mes Kryeministrit britanik Dejvid Kemërën dhe zv-Kryeministrit kinez Li Keqiang.

The Financial Times shkruan se kompania kineze PetroChina ka siguruar një aksion strategjik në tregjet rafineruese evropiane, pasi arriti një partneritet disa miliarda stërlinash me një nga bizneset private më të mëdha britanike dhe fjala është për kompaninë, Ineos.