The Guardian shkruan "Një grua vdes ndërsa niveli i ujit në Queensland rritet. Dy të tjerë mendohet se kanë vdekur ndërsa qyteti rrethohet nga ujërat. Stuhi të tjera pritet të godasin."

Po në The Guardian "17 vetë arrestohen në Egjypt mbi shpërthimin në kishë." Presidenti Hosni Mubarak dënoi sulmin dhe tha se ky është sulm mbi gjithë egjiptianët nga elementë të huaj, shkruan gazeta. Ekspertët kanë fajësuar al Kaidan.

The Times shkruan "Vërshim gjarpërinjsh i shtohet rreziqeve të përmbytjeve australiane." Gazeta thotë se autoritetet në Australi janë të shqetësuar se trupat e ngordhura të kafshëve paraqesin rreziqe shëndetësore. Një banor i Rockhampton përshkruan se ka parë një numër të madh minjsh dhe bretkocash. Kryetari i bashkisë së R
Rockhampton-it ka paralajmëruar banorët se në ujëra mund të ketë dhe krokodilë.

Ndërsa në zhvillime ndërkombëtare, The Times shkruan "Irani jep shenja se Ashtiani mund t'i shpëtojë vrasjes me gurë."

Ndërsa nga Bregu i Fildishtë "Paqeruajtësit mund të përdorin forcë në hetimin për varre masive."

The Daily Telegraph i kthehet zhvillimeve në Britani me artikullin "Shtohen grumbujt e plehrave pasi për katër javë ato nuk janë larguar."

Kjo si pasojë e motit të keq, pushimeve të krishtilindjeve dhe vitit të ri. Një prej ministrave në qeveri i tha gazetës se qeverisë i duhet të mendojë se si të vazhdojë puna në ditët e pushimeve në shërbime të tilla.

Ndër zhvillimet ndërkombëtare "Egjypti i shqetësohet rritjes së al Kaidas pas bombës në kishë."

Militantë vendas të frymëzuar nga al Kaida u akuzuan dje nga një gazetë egjiptiane se ishin pas sulmit në kishën në Egjipt ku humbën jetën 21 vetë. Ndërsa gazetat paralajmëruan për luftë civile midis mylimanëve dhe minoritetit të krishterë koptik, autoritetet paralajmëruan se u bënë disa arrestime.

Po në këtë gazetë, Obama mund të përballet me njeriun e tij në Kinë. Jon Huntsman, ambasadori amerikan në Kinë dhe një republikan ka bërë me dije se do të përballet me Barack Obamën për postin e presidentit në 2012.

Zoti Huntsman, ish guvernatori i Utah që konsiderohet si një figure në rritje, djali i një biznesmeni miliarder, tha se mund të ofronte kandidaturen për zgjedhje.