Kariera e aktorit hollivudian Leslie Nielsen u zgjat për gjashtë dekada

Ai vdiq në një spital në Fort Lauderdale, Floridë, ku po mjekohej për pneumoni.

Nielsen i lindur në Kanada e filloi karierën si aktor serioz në vitet 1980, por roli i tij në filmin Airplane e bëri atë një yll të filmave komikë.

Ai ka luajtur në më shumë se 100 filma dhe ka patur një yll për ndër të tij në "Shëtitoren e Famës" në Hollivud.

Suksesi në filmin Airplane pasoi një rol kryesor në filmin televiziv Police Squad, ku luajti dedektivin Frank Drebin.

Më pasi Leslie Nielsen luajti në tre filma të njëjtin personazh në serinë Naked Gun ku kishte si partnere aktoren Priscilla Presley.

Aktori ka patur një karierë që u shtri gjatë gjashtë dekadave e që nisi në televizion në Nju Jork në 1950, ku luajti në 150 shfaqje të drejtëpërdrejta.

Leslie Nielsen u vendos në Hollivud në mesin e viteve 1950 dhe kariera e tij filloi me role kryesore, sukses që u ndihmua edhe nga pamja e tij e jashtme.