Gazetat TIMES dhe GUARDIAN kanë në faqet e tyre të para fotografi që tregojnë tymin që ngrihet nga ishulli Yeonpyeong pas bombardimit nga Koreja e Veriut.

Për INDEPENDENT, gadishulli i ndarë i Koresë dukej të martën në prag të shpërthimit të një lufte.

DAILY MAIL e përmbledh situatën vetëm me një fjalë "Koreja në prag".

Edhe e përditshmja DAILY MIRROR përdor një gjuhë të ashpër dhe thotë se bota ka qënë në ankth kur koreanojugorët kërcënuan me hakmarrje.

TIMES pyet nëse ajo që ndodhi ka qënë një përpjekje e Kim Jong-il për të inkurajuar ushtrinë që të pranojë djalin e tij si pasues, Kim Jong Un.

DAILY TELEGRAPH mendon se Koreja e Veriut shpreson me gjestin e saj do të detyrojë zhvillimin e bisedimeve, kur perëndimi do të pranojë një paketë ndihme në këmbim të një garancie se nuk do të prodhojë armë bërthamore.

Të përditshmet e tjera merren me gjendjen në Irlandë.

FINANCIAL TIMES njofton se qeveria irlandeze planikon të blejë një pjesë të Bankës së Irlandës, gjë që do ta lërë vendin pa një kredidhënës të pavarur nga kontrolli i shtetit.

E përditshmja thotë se zyrtarë të qeverisë janë të interesusr të shmangin nacionalizimin e plotë.

Kjo ide konsiderohet si pjesë e një pakete shpëtimi prej 72 miliard stërlinash nga Bashkimi Evropian dhe Fondi Monetar Ndërkombëtar.

Mjaft gazeta shkruajnë edhe për njoftimin se martesa mbretërore mes Princit William dhe të fejuarës së tij Kate do të zhvillohet më 29 prill të vitit të ardhshëm.

DAILY MAIL shkruan se si Princi William planifikon ta mbush Abacinë e Uesteministerit me fëmijë, vullnetarë dhe njerëz të pastrehë në atë që gazeta e quan "martesa Mbretërore e Popullit".

SUN mendon se Princi dhe Kate Middleton do të ftojnë publikun të marrë pjesë në dasëm duke fituar një biletë të stilit Willy Wonka, si në veprën Çarli dhe Fabrika e Çokollatave.

Sipas gazetës do të ketë rreth 100 fitues të një bilete të tillë.

DAILY EXPRESS parashikon se dasma do të sjellë katër ditë festime, përfshirë festë nëpër rrugë dhe një koncert në parkun Hajd.

MIRROR fokusohet në faktin që njerëzit do të kenë 8 ditë pushim pasi dasma vjen pas Pashkëve.

DAILY TELEGRAPH thotë se bizeneset kanë paralajmëruar për dëme pasi krijimi i dy fundjavave me nga katër ditë pushim do t'i kushtojë ekonomisë gati 5 miliard stërlina.