Kjo lëvizje është projektuar për të shpërblyer dhe inkurajuar reformat demokratike në të dyja vëndet, shkruan gazeta

Qytetarët e Shqipërisë dhe Bosnjës do të kenë mundësi të udhëtojnë në pjesën më të madhe të Evropës pa viza përpara fundit të këtij viti pas një marrëveshje të Ministrave të Brëndshëm të Bashkimit Evropian.

Kjo lëvizje është projektuar për të shpërblyer dhe inkurajuar reformat demokratike në të dyja vëndet, shkruan Financial Times e Londrës.

Por gazeta shkruan se autoritetet shqiptare dhe boshnjake janë paralajmëruar se konçensionet e shumë vlerësuara do të tërhiqen, nëse do të ketë probleme emigracioni si rezultat i heqjes së vizave.

Një numër vendesh, si Franca dhe Hollanda kishin shprehur rezerva të forta për zgjerimin e liberalizimit të vizave në Ballkan, duke cituar progresin e kufizuar në reformimin e institucioneve demokratike.

Ka pasur edhe shqetësime se ky liberalizim mund të çojë në një influks të emigrantëve të rinj që abuzojnë me sistemin.

Kjo marrëveshje, shkruan Financial Times lë Kosovën si i vetmi vënd në Ballkan, ku qytetarët e saj do të kënë nevojë për vizë përpara se të vizitojnë ndonjë vënd të Evropës perëndimore.

Dhënia e privilegjeve më të relaksuara për udhëtim shpesh shihet si një vulë e aprovimit politik nga BE, dhe si hapi i parë tentues politik drejt hyrjes në BE.

Përveç Sllovenisë që ka hyrë tashmë në BE dhe Kroacisë e cila ka gjasa të hyjë brënda dy viteve të ardhshme, vëndet e tjera të Ballkanit kanë një rrugëe më të vështirë, sic pritet ta demostrojë dhe raporti i Komisionit Evropian që del të martën.

Shqipërisë dhe Bosnjës nuk pritet tu jepet statusi i vendit kandidat, shkruan Financial Times e Londrës.