The Guardian shkruan se Kryeministri synon një tregëti me Kinën në vlerën e 100 miliardë dollarëve deri në vitin 2015

Gazeta The Guardian citon librin e kujtimeve të tij, një kopje të të cilit e ka marrë paraprakisht, ku z. Bush shton se kjo do të bëhej për të ndaluar orën e bombës, të paktën përkohësisht.

Një sulm i tillë, shkruan The Guardian, sigurisht do të kishte çuar në një konflagracion në Lindjen e Mesme, që mund të bënte që Irani të hakmerrej, duke bllokuar furnizimet me naftë dhe duke lëshuar milicinë dhe simpatizantët në Iran, Afganistan dhe Liban.

The Independent po për këtë çështje, duke botuar si shumica e gazetave foto të Bushit në faqe të parë, ka si titull:" Keqardhjet? Shumë pak për të përmendur".

Është një libër që pjesërisht është propagandë, pjesërisht mea culpa, dhe pjesërisht një përpjekje e vetëdijshme për të (ri)formëzuar trashëgimin e tij politike.

The Times, ka si titull në faqe të parë:" Tortura me ujë që shpëtoi Londrën nga sulmet".

Në një intervistë dhënë gazetës, Xhorxh Bush ofroi një mbrojte të fuqishme të teknikave të hetimit.

Tre vetë u torturuan dhe besoj se ky vendim shpëtoj jeto njerozore. Por ai e mohen se kjo teknikë e njohur si Waterboarding, ku stimulohet mbytja me ujë, shkon deri në torturë.

Shtypi i sotëm britanik i kushton vëmëndje edhe vizitës së kryeministrit britanik Dejvid Kemërën në Kinë me një grup shumë të madh biznesmenësh britanik.

The Guardian shkruan se Kryeministri synon një tregëti me Kinën në vlerën e 100 miliardë dollarëve deri në vitin 2015.

Ai pritet të nënshkruaj rreth 40 marrëveshje me vlerë prej disa miliarda stërlinash.

Po kjo gazetë shkruan se ndihmësit e kryeministrit kanë thënë se ai do të ngrej edhe çështjen e të drejtave të njeriut dhe disidentit të burgosur Liu Xiaobao, por aktivistët e të drejtave të njeriut duan të dinë se si do ta ngrejë kryeministri një çështje të tillë, shkruan The Guardian.