The Guardian shkruan se Obama mbetet favoriti për të siguruar rizgjedhjen në vitin 2012

The Guardian në faqe të parë ka një fotografi me kokën ulur të Presidentit Obama dhe si titull ka:" Obama përgatitet për lamtumirën politike,ndërkohë që Amerika vendos".

The Guardian shkruan se Obama mbetet favoriti për të siguruar rizgjedhjen në vitin 2012, por humbja në Kongres në këto zgjedhje e lë atë zbuluar përpara një sfide të fortë republikane.

Ai është viktima e pakënaqësisë në mbarë vëndin, kryesisht për shkak të papunësisë dhe mospëlqimit për miliardat e dollarëve të harxhuara për të shpëtuar bankat nga kriza financiare, shkruan The Guardian.

The Independent e hap faqen e parë me një foto të madhe të Obamës duke ecur dhe me titull: "Obama ecën drejt një territori të panjohur".

Gazeta shkruan se dy vite të gjata dhe të vështira pas ardhjes triumfale në pushtet, Barak Obama do të tentoj sot ti jap një ngjyrim pajtues verdiktit të votuesve amerikanë, të cilët duket se gjatë natës së kaluar, ndëshkuan mënyrën sesi ai ka trajtuar problemet e vëndit, duke u dhënë në duar republikanëve disa nga levat e pushtetit, shkruan The Independent.

The Times perveç fotos së Obamës, ka si titull: "Dita e gjykimit për Presidentin Obama".

The Daily Telegraph i kushton faqen e parë marrëveshjes ushtarake mes Francës dhe Britanisë.

Duke firmosur traktate per teknologjinë bërthamore dhe forcat detare dhe tokësore, Presidenti francez deklaroi një marrëdhënie të re të veçantë mes dy vëndeve.

Shtypi i sotëm britanik komenton edhe fitoren e bujshme dhe historike të ekipit të Totenhemit ndaj Kampionëve të Evropës, Interit të Milanos.

The Times shkruan "Benitez përkulet përpara Bejll dhe rritmit të ndeshjes".

Në kuadër të fitoreve të rralla, kjo do të kujtohet si nata më e madhe e Totenehemit në kohët moderne.

The Guardian shkruan se koncepti i Benitezit për ndeshjen, do të dukej thuajse irrelevante, pasi Totenhemi adoptoi një sulm të fortë dhe të rrezikshëm.

Interi ishte në dijeni të talentit të Gerëth Bejll, por nuk kishte prani nga italianët për ti frenuar londinezët, shkruan The Guardian e Londrës.