Sir Norman pat deklaruar se komedia është për fëmijët nga mosha 3 në 93 vjeç.

Sir Norman vdiq në fillim të këtij muaji në moshën 95-vjeçare.

Ai i kaloi 30 vjetët e fundit të jetës në Isle of Man dhe ishte një person i dashur në këtë komunitet të vogël në bregdetin veriperëndimor të Anglisë.

Fillimisht, ai mbërriti për të dhënë shfaqje në teatrin lokal në fund të viteve 70-ë, por shumë shpejt ra në dashuri me ishullin dhe vendosi që të jetonte.

Dhe ashtu si u dashurua ai me ishullin, banorët e tij ranë në dashuri me të.

Ishulli me 80 mijë banorë dhe pjesëtarët e familjes së komedianit dëshironin që të gjithë t'i jepnin lamtumirën, kështu që kortezhi i përmotshëm kaloi përmes shëtitores kryesore të Douglasit, kryeqendrës së ishullit, kaloi përpara teatrit ku Sir Norman dha shfaqjen e parë në vitin 1977, dhe një hotel që ka një bar me emrin Sir Norman për nder të tij dhe përfundoi në kishën më të madhe të ishullit - me 600 vende.

Padyshim, vdekja e tij ishte një humbje e madhe për të gjithë ata që e vlerësojnë humorin, thotë korrespondentja e BBC-së Lorna Gordon, për të mos harruar fansat e tij në Shqipëri.

Ai ishte një mjeshtër i komedisë dhe adhurohej nga publiku.

Ishte një klloun brilant, humori i të cilit kishte një element fizik.

Edhe pse kishte një thjeshtësi të dukshme në filmat e tij, ai vetë besonte se çelësi i suksesit të tij ishte pikërisht tek thjeshtësia.

Ai pat deklaruar se komedia është për 'fëmijët nga mosha 3 në 93 vjeç'.

Dhe e gjitha kjo fshihte faktin se ai vetë kishte përjetuar një fëmijëri të tmerrshme dhe ishte rritur në skamje.

Por, nga kjo fëmijëri e mjeruar, ai u bë Sir dhe mori titull kalorsiak.