Mançestër Junajtid i friksohet ofertës së Mançestër Sitit për Runin.

The Guardian sot shkuan se "Kemërën do të vonojë zëvëndësimin e Trajdentëve".

Një zëvendësim i nëndetëseve bërthamore do të vonohet ndoshta për pesë vjet, ka vendosur qeveria, ndërkohë që ministrat kërkojnë të kursejnë miliarda nga buxheti ushtarak britanik.

Dejvid Kemërën do të konfirmoj sot përpara deputetëve britanik kur të shpalos politikën e mbrojtjes strategjike dhe të sigurisë se vonesa do të shkoj deri pas zgjedhjeve të vitit 2015.

Ndërkaq ,The Times shkruan për aeroplanmbajtëset e reja të cilat i cilëson fiasko prej 5 miliardë stërlinash.

Sipas gazetës, Britania do të humbas aftësinë për të nisur avjonët nga aeroplanmbajtëset e saj për dhjetë vjet.

Flota prej 80 avjonësh të prodhimit Harriers do të dekomisionohet sot menjëherë. Të dy aeroplanmbajtëset do të ndërtohen me një kosto prej 5.2 miliardë stërlinash, por ka shumë pak gjasa që të dyja do të jenë në lundrim në të njëjtën kohë.

Nga ana e vet, The Daily Telegragh shkruan se një nga aeroplanmbajtëset do të lundrojë vetëm për tre vjet dhe mundësisht do të shitet, do të njoftojnë sot ministrat e kabinetit.

The Independent sot në faqe të parë boton një montazh të fotografive të drejtuesve të disa prej kompanive më të mëdha britanike që mbështesin planet e qeverisë konservatore për shkurtimet e mëdha të shpenzimeve në sektorin publik që pritet të njoftohen këto ditë.

Gazeta boton emrat e atyre që kanë mbështetur qeverinë si dhe shumën e rrogave që ata marrin.

Laburistët e opozitës thonë se ndërhyrja është lojë politike, ndërkohë që firmat e vogla i friksohen humbjes së vëndeve të punës në sektorin privat.

The Guardian sot shkruan se shërbimet e fuqishme sekrete pakistaneze kanë qënë të përfshira së tepërmi në pergatitjet për sulmet terroriste në Mumbai të nentorit të vitit 2008, sipas dokumentave qeveritare sekrete indiane të siguruara nga gazeta The Guardian.

Një raport prej 109 faqesh për marrjen në pyetje të të dyshuarit David Haedly një pakistanezo-amerikani të arrestuar vitin e kaluar në SHBA, jepen detaje për pretendimin e mbështetjes së marrë nga shërbimet pakistaneze të sigurisë për këto sulme.

Po kjo gazetë boton në faqe të parë një fotografi të Mbretereshes Elizabet të cilës i është dhuruar djë një gur nga galeritë e minierës San Hose në Kili nga presidenti Sebastian Pinera që po viziton Londrën.

Ndërkohë në shtypin e sotëm botohen shkrime të ndryshme për hetimin që ka filluar për sulmet terroriste të 7 korrikut të 2005 në Londër.

Nga sporti , The Independent sot shkruan se sulmuesi i Mançestër Junajtid Uejn Runi mund të largohet dhe klubi mund të marrë në shkëmbim vetëm 5 milionë stërlina fitim.

Ylli i Mançesterit ka refuzuar një ofertë për një kontratë të re e cila shkon në afro 150 mijë stërlina në javë, shkruan The independent.

Ndërkohë The Times shkruan se Mançestër Junajtid i friksohet ofertës së Mançestër Sitit për Runin.

Rivalët janë në gjëndje ti ofrojne atij 200 mijë stërlina në javë, shkruan kjo gazetë.