'Pitkini' ishte shumë popullor në Shqipëri

Ai ishte më së miri i njohur për një seri filmash të suksesshëm që realizoi në vitet pesëdhjetë.

Norman Wisdom u nderua me titullin Sër në vitin 2000.

Siç njofton Nick Higham, korrespondenti i BBC-së për media, Wisdom luajti njeriun e vogël - i ngathtë, i shfrytëzuar por gjithmonë i dashur, që kalon nëpër vështirësi të ndryshme me një kasketë lecke dhe rroba që i binin t'vogla.

Disa kritikë nuk e pëlqenin por audeinca e adhuronte atë. Dhe komedia e tij kishte rrënjët në përvojën personale. Kishte patur një fëmijëri të vështirë; në moshën 14 vjeçe përfundoi i pastrehë nëpër rrugë. Strehen e parë të vërtetë e gjeti në ushtri, ku mësoi t'i bënte të tjerët të qeshnin, dhe realizoi filmin e tij të parë Trouble in Store në 1953. Filmi ishte sukses i madh.

Pjesa më e madhe e komedisë së tij buronte nga roli i humbësit në një shoqëri të viteve pesëdhjetë e gjashtëdhjetë me ndarje të thellë të klasave.

Wisdom realizoi rreth 40 filma, kryesisht komedi britanike me buxhet të vogël. Por ai luajti edhe në Broduej në një përshtatje si mjuzikëll të veprës Hobson's Choice dhe në një mjuzikëll të Holivudit The Night They raided Minsky's. Ai fitoi edhe çmime në vitet tetëdhjetë për një rol serioz si pacient i sëmurë me kancer. Ishte shumë popullor në Shqipëri. Dhe Charlie Chaplin, hiç më pak, tha njëherë se ai ishte klouni i tij i preferuar.

Korrespondenti i BBC-së në Tiranë, Ilir Kadia, kujton se si u njoh me filmat e Pitkinit në vitet gjashtëdhjetë:

Pitkini në Shqipëri