Barack Obama tha plani i pastorit ishte kundër vlerave amerikane

Përmes një interviste televizive në kanalin ABC, presidenti e cilësoi këtë veprim destruktiv dhe mundësi për të rekrutuar për Al Kaedën.

Presidenti tha se shpresonte që pastori,Terry Jones, do të dëgjojë, siç u shpreh ëngjëjt më të mirë dhe të anulojë djegien e planifikuar për të shënuar përvjetorin e sulmeve të 11 shtatorit.

"Nëse ai po dëgjon shpresoj që ta kuptojë se ajo që propozon të bëjë është tërësisht në kundërshtim me vlerat tona si amerikanë, që ky vend është ndërtuar mbi nocionin e lirisë dhe tolerancës fetare."

"Si kryekomandant i Forcave të Armatosuar të SHBA-së, unë dua që ai të kuptojë se ky veprim, për të cilin ai ka folur mund të rrezikojë mjaft të rinjtë dhe të rejat që shërbejnë në Irak dhe ata që janë në Afganistan", tha presidenti.

Indonezia, Pakistani dhe India, që të gjitha vende me popullsi të madhe myslimane, i kanë bërë thirrje ndarazi presidentit Obama që të veprojë.

Autoritetet amerikane thonë se aftësia e tyre për të ndërhyrë është e kufizuar nga kushtetuta amerikane.

Terry Jones drejton një bashkësi fetare të vogël.

Ai thotë se djegia do të jetë një mënyrë për t'i bërë qëndresë terrorizmit.