Prokurori i Përgjithshëm në Shtetet e Bashkuara, Eric Holder e quajti planin 'idiot dhe të rrezikshëm', ndërsa Sekretarja amerikane e Shtetit, Hillary Clinton, e përshkroi vendimin e kishës në Gainsville si "të pasjellshëm dhe të turpshëm".

Keith Ellison është kongresmeni i parë mysliman në Shtetet e Bashkuara.

Në një intervistë për BBC-në në vazhdim ai flet për reagimin e tij ndaj planit të Kishës në Floridë.

Keith Ellison: "Është fatkeqësi e madhe që të ofendosh ndjenjat fetare të çfarëdo grupi por është e qartë se kjo kishte për qëllim për të provokuar. Ky është një provokim i qëllimshëm dhe unë nuk besoj që komuniteti musliman ndaj të cilit kjo përpjekje është e drejtuar do të shpërbej këtë provokim me çfarëdo lloj reagimi. Nëse ka ndonjë lloj përgjigje ateherë unë mendoj se komunitetet duhet të takohen në grupime ndërfetare - myslimanët, krishterët, hebrenjtë, Budistët, çdo grup tjetër - dhe të flasim për rëndësinë e bashkëpunimit ndërfetar. Unë mendoj se kjo do të dëmtojë në mënyrë të konsiderueshme përpjekjen e tij për të minuar tolerancen fetare. Dua t'ju them njerëzve jashtë Shteteve të Bashkuara se ky person nuk përfaqëson disponimin e popullit amerikan.

BBC- A e ndani ju shqetësimin dhe frikën e gjeneralit Petreus se kjo do të mund të shkaktojë probleme personelit amerikan anembanë botës duke i vendosur ata në rrezik?

Keith Ellison: "Sigurisht se kjo është e mundshme dhe askush nuk është më ekspert në mbrojtjen dhe sigurinë e trupave amerikane se sa gjenerali Petraeus dhe kështu fakti se ky predikues nuk ka respektuar paralajmërimet e gjeneralit Petraeus tregon një mospërfillje të skajshme për forcat amerikane dhe ndërkombëtare në Afganistan dhe anembanë botës. Kështu që unë thjeshtë mendoj se tregon mungesë njerëzimi dhe keqdashje të qëllimshme.

BBC - Por siç duket ajo që planifikojnë të bëjnë në Floridë nuk është e paligjshme në Shtetet e Bahskuara, apo jo?

Keith Ellison: "Jo nuk është. Ne kemi nenin e parë të kushtetutës që thotë se mund të thuash apo bësh atë që dëshiron nëqoftëse nuk e lëndon nje person në mënyre direkte. Kështu pra në Amerikë mund të shohësh nazistët duke marshuar lirshëm, apo të tjerë duke djegur kuranët. Kjo traditë e jonë ka shumë gjëra pozitive por gjithashtu mund të ketë disa elemente fatkeqe. Kjo është ajo që une e quaj abuzim i të drejtave tona por ne gjithahstu kemi të drejtën e lirisë së të shprehurit të cilën në këtë rast duhet t'a përdorim që të dënojmë atë që ai është duke e bërë.

BBC - A mos është koha që njerëzit të fillojnë të vënë në pikëpyetje nenin e parë që ka të bëjë me mbrojtjen e lirisë së shprehjës - liri kjo që vendos jetën e njerëzve në rrezik?

Keith Ellison:" Mendoj se duhet të ketë një kufi kur një shprehje mund të nxisë dhunë dhe në këto raste qeveria ka të drejtë që të ndërhyjë dhe unë mendojë se ky person është shumë afër këtij kufiri. Nëse ai e kalon këtë vijë apo jo ua lë këtë autoriteteve përkatëse që të vendosin. Por unë mendoj se idetë e tij do të refuzohen nga amerikanët e tjerë.