Bisedimet direkte do të rinisin në Lindjen e Mesme pas dy javësh.

Në Uashington u zhvilluan bisedimet e para direkte mes palëve prej afro dy vjetësh.

Udhëheqësit izraelitë e palestinezë janë marrë vesh të takohen sërish në Lindjen e Mesme pas dy javësh.

Redaktori i BBC-së për çështjet e Lindjes së Mesme, Jeremy Bowen që i ka ndjekur bisedimet në Uashington thotë se amerikanët e kaluan pengesën e parë. Ai citon një zyrtar të ketë thënë se "u arrit që udhëheqësit të mos zihen me karrike".

Periudha pas takimit

Prej këtij momenti puna bëhet më e vështirë.

Në Izrael, shumë nga ministrat e kabinetit të zotit Netanyahu janë kundër lëshimeve për palestinezët.

Në krahun palestinez, një çështje e rëndësishme ka të bëjë me veprimet e mëtejshme të Hamasit. Nëse Hamas është në gjendje të përdorë dhunë për një kohë të gjatë, sikurse pretendon, atëherë ky grup mund të vëjë veton në rrjedhat e mëtejshme të ngjarjeve.

Në të shkuarën, problemet në tryezën e bisedimeve dhe gjakderdhja në rrugë janë ndërthurur dhe kanë çuar në prishjen e negociatave, kujton Jeremy Bowen i BBC-së.

Lajmet nga terreni

Sipas njoftimeve më të fundit, militantët palestinezë kanë thënë se do t'i intensifikojnë sulmet mbi objektivat izraelite.

Një zëdhënës i Hamasit tha se 13 grupe kishin bashkuar forcat për të nisur atë që ai e cilësoi si "një valë sulmesh më efikase".

Në fillim të kësaj jave, katër izraelitë u vranë me armë zjarri në Bregun Perëndimor.