BBCAlbanian.com
 
Botuar: E premte, 20 gusht 2010 - 15:38 CET
 
Dërgoja një miku   Version i printueshëm
Rrahje mes basketbollistëve serbë e grekë
 
Pamje nga incidenti
Pamje nga incidenti i së enjtes në Athinë
Një incident i rëndë ka mbyllur ndeshjen mes përfaqësueses kombëtare të Serbisë dhe asaj të Greqisë në turneun për kupën Akropolis të zhvilluar të enjten në Athinë.

Lojëtarët serbë të pakënaqur me një vendim të arbitrit janë munduar të qërrojnë hesapet fizikisht me baskebollistët e përfaqësueses greke.

Në rrëmujën e shkaktuar me këtë rast, kapiteni i përfaqësueses së Serbisë Nenad Kërstiq ka qëlluar me karrige qendërsulmuesin e ekipit kundërshtar grek Janis Barucis.

Korrespondenti i BBC-së në Athinë njofton se pas kësaj, policia greke ka marrë në pyetje basketbollistin serb, duke ngritur ndaj tij edhe kallëzim për incidentin e shkaktuar.

"Kjo është e shëmtuar, por ndodh në sport. Konflikti ishte i panevojshëm," - citohet të ketë deklaruar Kërstiq pas lirimit nga arresti, duke shpjeguar se është munduar t'i kërkojë falje basketbollistit grek.

Media serbe njofton se për lirimin e ishte angazhuar edhe ministria e Sportit e Serbisë e cila rastësisht kishte qëlluar në Athinë.

 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>