Franca ka paralajmëruar prishjen e 300 kampeve të romëve.

Grupi i parë është kthyer me aeroplan në kryeqytetin e Rumanisë, Bukuresht.

Rreth 700 romë nga Rumania dhe Bullgaria janë ndaluar në Francë që nga muaji i kaluar, kur presidenti Sarkozy njoftoi planet për prishjen e kampeve të ngritura pa leje.

Në bazë të ligjit francez, imigrantët nga Bullgaria dhe Rumania duhet të pajisen me leje pune nëse qëndrojnë më shumë se tre muaj.

Grupi i parë i romëve u kthye vullnetarisht. Autoritetet u ofruan atyre një pagese risistemimi në vendlindje, 300 euro për të rriturit dhe 100 euro për fëmijët.

Kritikët e qeverisë thonë se paratë do të përdoren për blerjen e biletave për t'u kthyer sërish në Francë.

Autoritetet kanë thënë se duan të zbatojnë një politikë emigracioni të ndershme dhe humane.

Franca nuk është vendi i vetëm që po i përzë romët. Italia, Gjermania, Suedia dhe Danimarka kanë ndjekur praktika të ngjashme, suksesi i të cilave ka qenë i kufizuar.