Nick Thorpe Korrespondent i BBC-së

	Franca thotë se kampet u shkatërruan në luftën kundër krimit

Vendimi i qeverisë franceze është kritikuar ashpër nga komisioni i OKB-së për eleminimin e diskriminimit racor.

Gjatë dy javëve të fundit, janë mbyllur rreth 40 vendbanime të romëve në qytetin Lion dhe pranë Parisit.

Sipas ministrit të Brendshëm, rreth 700 romë nga Bullgaria dhe Rumania do të kthehen në atdhe me avionë specialë.

Ky vendim vjen pasi presidenti francez njoftoi muajin e kaluar se udhëtarët romë, përbënin një rrezik sigurie për Francën dhe kampet e paligjshme do të mbylleshin në kuadër të "luftës kundër krimit".

Grupe për të drejtat e njeriut, vlerësojnë se gati 50 mijë romë nga Bullgaria dhe Rumania mund të preken nga vendimi.

Si shtetas të Bashkimit Evropian, romët kanë të drejtë të qëndrojnë në një vend të BE-së deri në 3 muaj, nëse nuk kryejnë krime dhe kanë mjete për të mbajtur veten.

Ministrat në qeverinë rumune përgjegjës për Rendin Publik dhe Riintegrimin zhvillojnë këtë javë bisedime në Paris.

Pala franceze kërkon garanci se personat e deportuar nuk do të lejohen të rikthehen në Francë

Siç ka ndodhur edhe me probleme të ngjashme me Francën dhe Italinë, zyrtarët rumunë duken të ndarë mes mbrojtjes së të drejtave të shtetasve të tyre dhe bashkëpunimit për të parandaluar dëmin i shaktohet imazhit të Rumanisë.