Prokuroria e Krimeve të Rënda tha se operacioni u krye në Tiranë dhe Vlorë.

Prokuroria e Krimeve të Rënda tha se operacioni u krye në Tiranë dhe Vlorë.

Biznesmenët shqiptarë ishin në listën e shumë të kërkuarve nga autoritetet italiane në hetim për trafik ndërkombëtar droge.

Proçedimi penal ndaj tyre kishte nisur dy vjet më parë.

Të arrestuarit ishin mbajtur nën vëzhgim nga skuadrat e operacioneve speciale për një kohë të gjatë .

Hetimet i referohen periudhës kohore të muajit dhjetor 2008, kur disa shtetas shqiptarë në Itali kanë mundësuar trafikimin e sasisë së heroinës prej 11. 85 kg.

Sipas njoftimeve policia italiane dyshon se të arrestuarit kryenin pastrimin e parave, duke investuar para nga grupi kriminal që vepronte në Itali.

Prokurorët e Krimeve të Rënda kanë nisur verifikimin e pronave të personave të arrestuar

Ndërkohë, strukturat e Sektorit Kundër Narkotikëve në Drejtorinë e Policisë së Qarkut Berat kanë finalizuar një tjetër operacionin antidrogë, duke prangosur në flagrancë 6 persona të akuzuar për trafik lëndësh narkotike të tipit heroinë.