Avokati i Haradinajt kërkon një datë sa më të shpejtë rigjykimi për klientin e vet

E shoqëruar me një fotografi të madhe nga festimet e shpalljes së pavarësisë në Prishtinë, The Guardian boton shkrimin me titull: "Separatistët në mbarë globin presin vendimin e Gjykatës për shpalljen e pavarësisë së Kosovës".

Vendimi i sotëm shkruan gazeta nuk është detyrues, por ka gjasa që të ketë pasoja të thella për Kosovën dhe shtete dhe territore të tjera de fakto që mund të shkëputen në të ardhmen.

Gjykatësit e panelit të ndarë thuajse në mënyrë të barabartë mes atyre që vijnë nga vëndet që e kanë njohur dhe atyre që nuk e kanë njohur Kosovën, kanë një histori gjykimesh të kujdesshme dhe konservatore.

Duke folur të mërkurën, Ministri i jashtëm serb Vuk Jeremiç paralajmëroi se edhe nëse vendimi është kundër Beogradit, vendi i tij nuk do të heq dorë nga pretendimi për Kosovën, shkruan gazeta.

The Guardian citon zëvendës-kryeminstrin e Kosoves Ramë Manaj të ketë thenë se " Shpallja e pavarësisë është e ligjshme dhe legjitime, sepse ajo shpreh vullnetin e popullit të Kosovës".

Gjykata, sipas gazetës, ka tri opsione: Ta cilësoi shpalljen e pavarësisë të paligjshme, ta shpallë atë të ligjshme ose të ofrojë pikëpamje të pavendosur ose të ekuilibruar.

E ndërsa 69 vënde e kanë njohur Kosovën si shtet, ende nuk ka dy të tretat që nevojiten për anëtarësimin në Kombet e Bashkuara.

Një vendim në favor të Kosovës, shkruan The Guardian, mund ta sjell më afër këtë mundësi, ku disa vënde pritet ta njohin Kosovën, nëse vendimi është në favor të saj.

Asnjë nga skenarët nuk pritet të ketë ndonjë ndikim të menjëhershëm për situatën në terren, ku një zonë e vogël me shumice sërbe është shkëputur në pjesën veriore të qytetit të Mitrovicës.

The Guardian në këtë shkrim ndër të tjera thekson se një vendim se shpallja e pavarësisë ishte e ligjshme, do të ketë një ndikim në një shkallë më të gjerë në aspektin ndërkombëtar, duke forcuar kërkesat për njohje nga territore duke filluar nga Qipro veriore, Somaliland, Nagorno-Karabah, Osetia jugore, Abkhazia dhe Transnistria.

The Guardian shkruan se ndër ata që presin që vendimi të jetë në favor të Serbisë është edhe dr.Stefan Wolf i Univeristetit të Birmingamit.

Wolf beson se një vendim në favor të Kosovës do ta bëjë më të vështirëe për OKB-në që të menxhoj konfliktet, veçanërisht në menaxhimin kalimtar të territoreve të diskutueshme, përfundon shkrimin e vet The Guardian.

Po kjo gazetë boton një shkrim edhe për rigjykimin e ish Kryeministrit të Kosovës Rramush Hardinaj.

Gazeta shkruan se një datë pritet të caktohet për rigjykimin dhe nuk është e qartë nëse dëshmitarët e friksuar do të japin dëshmi.

Avokati i z.Haradinaj Michael OReilly tha se është e rëndësishme që të fiksohet një datë sa më e shpejt e mundshme për rigjykimin e pjesshëm.

Veteranët e UÇK-së shkruan The Guardian të cilët kanë luftuar nën komandën e Haradinajt i kërkuan gjykatës të tërheq vendimin ose për ndryshe rrezikohet destabilizimi i rajonit.

"Nëse arreatimi i tij vazhdon, gjithshka është e qartë, destabilizim jo vetëm i Kosovës, por i tërë Ballkani", paralajmërojnë veteranët e UCK-së, shkruan The Guardian.

Lajmin e rigjykimit të ish Kryeministrit të Kosovës e boton sot edhe gazeta The Independent.