Ndërsa të tjerat merren me debatin që ka mbështjellë gjigandin e naftës.

TELEGRAPH thekson kërkesat amerikane për BP-në që ajo të bëjë publike dokumente që tregojnë se si ka bërë lobing në arritjen e marrëveshjes për transferimin e një të burgosuri libian të dënuar si bombëvënësin e avionit që u rrëzua në Lockerbie.

TIMES thotë se ambasadori britanik në SHBA, Sër Nigel Sheinwald, ka theksuar që qeveria e re beson se vendimi i Skocisë për të liruar Abdelbaset al-Megrahin për arsye humane, kishte qënë një gabim.

Një ish bos i kompanisë BP, Lord Browne, ndalet në një tjetër çështje në një shkrim për të përditshmen GUARDIAN, që ka të bëjë me sentimentet homofobike në vend.

Por kryartikulli në GUARDIAN është "Cable fillon revolucionin në universitete" .

Gazeta hapet me atë që quan projektin e Sekretarit britanik për Biznesin, për arsimin e lartë dhe kolegjet private, kur përfshihet një taksë për të diplomuarit.

DAILY TELEGRAPH është shumë kritik ndaj idesë, duke vënë në dukje se ajo është përshkruar si një "kredi studentore që nuk paguhet kurrë përfundimisht."

Ndërsa FINANCIAL TIMES beson dëmi që mund të ketë kjo mbi sektorin universitar do të ishte i jashtëzakonshëm.

GUARDIAN është një prej shumë gazetave që i bëjnë jehonë faktit që statistikat për krimin janë në nivelin e tyre më të ulët që prej tre dekadash.

DAILY MAIL ndërkaq vëren se megjithëkëtës, 3 ndër 4 krime mbetet të pazgjidhuara.

GUARDIAN sugjeron se numri i veprave penale mund të rritet së shpejti, sepse pritet të rritet numri i të papunëve si pasojë e shkurtimeve në sektorin publik.

TIMES ka një mbulin të zgjeruar të atij që quan "realiteti brutal i ndërtimit të shtetit" në Afganistan.

Reporterja e gazetës është në mesin e një njësie marinsash amerikanë në Helmand.

Ajo thotë se misioni i tyre ishte ndërtimi i një shkolle, por njësia ra nën zjarrin armik, duke i bërë ata të mbuloheshin nga uji i qelbur i një kanali vaditjeje.

Dhe lajmet e pas Kupës së Botës nuk mungojnë në gazeta. GUARDIAN njofton lidhur transfertën më të madhe të verës.

E përditshmja thotë se kanë filluar negociatat për transferimin e okapodit Paul që parashikoi fitoren e Spanjës në Botëror nga Qendra e Jetës Detare në Oberhausen në Gjermani në Akuariumin e Madridit.

Të përditshmet raportojnë edhe për bashkimin e këngëtarit Robbie Williams me ish grupin e tij Take That.

Për të përshkruar këtë ribashkim gazetat huazojnë titujt e këngëve më të famshme të grupit "Could it be magic again? (a do të jetë përsëri magjike), pyet GUARDIAN.

Ndërsa për DAILY MAIL çështja shtrohet nëse Robbie është "Back for Good," (është kthyer përgjithmonë).