Shtatë vetë është bilanci i viktimave nga sulmi ndaj autokolonës së Nato-s

Policia lokale thotë se dymbëdhjetë persona të armatosur janë përfshirë në këtë sulm, të paisur me armë automatike dhe granda.

Sulmi ndodhi vetëm dhjetë km jashtë Islamabadit dhe korrespondenti i BBC thotë se kjo është hera e parë që një sulm i tillë ndodh kaq pranë kryeqytetit.

Kamionët e Nato-s po transportonin furnzime për trupat e Aleancës në Afganistan.

Kaleem Imam nga Policia e Islamabadit tha se siguria përreth autokolonës nuk kishte qënë e mjaftueshme.

"Ne po hetojmë se cilët persona kanë qënë të përfshirë, si u krye sulmi dhe përse nuk ishte organizuar sigurimi i duhur nga njerëzit që e kryejnë këtë biznes.

Nëse ata duan siguri nga ne, ata duhet ta kërkojnë një gjë të tillë.

Hetimi ka filluar dhe njerzit na kanë ofruar informacione. Ne kemi zbuluar një nga makinat e dyshuara.

Po ashtu ne jemi vënë në ndjekje të makinës si dhe kemi filluar operacionin e kërkimit.

Po ashtu kemi vendosur në gatishmëri Policinë Rrugore, Korpusin e Kufirit dhe forca të tjera policore", tha Kaleem Imam nga Policia e Islamabadit.