Komuniteti mysliman ka shprehur shqetësim për këtë masë

57% e votuesve e kanë mbështetur këtë masë.

Sondazhet në prag të këtij referendumi kishin treguar se shumica e votuesve do të kundërshtonte ndalimin e minareve, në përputhje me rekomandimin e qeverisë zviceriane.

Partia Popullore Zviceriane, forca e djathtë që e paraqiti propozimin për ndalimin e minareve, thotë se ato janë simbole të forcimit të ideologjisë islamike.

Myslimanët përbëjnë afro 4.5% të popullsisë së Zvicrës.

Shumica e afro 400 mijë myslimanëve janë refugjatë nga ish-Jugosllavia.

Në Zvicër islamizmi është feja e dytë më e përhapur në këtë vend pas krishtërimit, por ai nuk është edhe aq i dukshëm.

Në të gjithë Zvicrën ka vetëm katër minare dhe aplikimet e myslimanëve për të ndërtuar minare mbi xhami të të tjera janë refuzuar gjithmonë.

Organizata 'Amnesty International' ka paralajmëruar se ndalimi i minareve përbën shkelje të angazhdimeve të Zvicrës për lirinë e besimit fetar.

Myslimanët që jetojnë në Zvicër, thonë se ndërtimet e fundit të objekteve të kultit të besimeve të tjera, përfshirë kishën ortodokse serbe, janë prova se e vetmja fe që po diskriminohet nga autoritetet zviceriane është feja islame.

Qeveria zviceriane druhet se ndalimi i minareve mund të shkaktojë protesta të komunitetit myslian dhe mund të dëmtojë marrëdhëniet e Zvicrës me vendet islamike.