Irani këmbëngul se ka të drejtë të zhvillojë energjinë atomike

Agjencia e dënoi Iranin për zhvillimin në sekret të një reaktori për pasurimin e uraniumit dhe ka kërkuar që ky projekt të pezullojë aktivitetin menjëherë.

Një korrespondent i BBC-së thotë se mbështetja e rezolutës nga Rusia dhe Kina bën që të ketë gjasa që këto vende do t'i mbështesin sanksionet e reja ndaj Iranit, gjë që më parë e kishin kundërshtuar.

Irani tha se rezoluta do të mund të pengonte shanset për sukses të bisedimeve që kanë si qëllim t'i japin fund debatit për programin bërthamor.

Kryeministri britanik, Gordon Brown tha se besonte që sanksionet ishin hapi i rradhës, në rast se Irani nuk ndryshonte qëndrim.

"Kjo është deklarata më e fortë dhe e prerë e bërë nga vendet që janë shumë të shqetësuara lidhur me ambiciet bërthamore nga ana e Iranit."

"Unë besoj se etapa e rradhës do të duhet të jenë sanksionet, nëse Irani nuk i përgjigjet asaj që është një votë e qartë nga ana e komunitetit ndërkombëtar," tha kryeministri britanik.