Obama ka rritur popullaritetin e tij në Kinë

Në fillim të një debati me disa të rinj në Shangai që po transmetohet direkt në internet nga Shtëpia e Bardhë, zoti Obama tha se Kina dhe SHBA nuk kishin pse të ishin kundërshtarë.

Më pas, presidenti Obama do të shkojë në Pekin për bisedime me udhëheqësit kinezë.

Presidenti Obama ka shmangur një grindje të mundshme me kinezët mbi Dalai Lamën, pasi ai shtyu një takim me të.

Vendimi i presidentit Obama për të shtyrë takimin i ka dhënë atij popullaritet në Kinë.

Qeveria kineze e sheh udhëheqësin tibetian si separatist të rrezikshëm.

Por kur vjen puna te çështjet e tregtisë, zoti Obama nuk po fiton shumë miq këtu. Një ndalim bërë importeve nga Kina si goma dhe tuba çeliku është kritikuar ashpër si proteksionizëm.

Kina gjithashtu bën përgjegjëse SHBA për krizën globale financiare. Pekini ka paralajmëruar Amerikën që të jetë më e përgjegjshme nga ana fiskale. Kina është mbajtësi më i madh i borxhit qeveritar amerikan.

Presidenti Obama ka përmirësuar imazhin e Kinës, por sipas një sondazhi të fundit, gjysma e vendit ende nuk e sheh me sy të mirë Amerikën pasi shumë njerëz besojnë se SHBA po përpiqet të pengojë ngritjen e Kinës si superfuqi.