Znj Clinton tha se presidenti afgan Karzai mund të bënte më shumë

Duke folur në një emision në televizionin amerikan, zonja Klinton paralajmëroi se Shtetet e Bashkuara nuk do t'i jepnin më ndihma Afganistanit, nëse nuk kishte mekanizma që presidenti dhe ministrat e tij të jepnin llogari për punën e tyre.

"Ne besojmë se presidenti Karzai dhe qeveria e tij mund të punojnë më mirë. Ne e kemi përcjellë këtë mesazh tashmë që zgjedhjet presidenciale kanë përfunduar."

"Ne kërkojmë të shohim prova të prekshme se qeveria e Afganistanit, në të gjitha nivelet deri në bazë, po iu përgjigjet nevojave të njerëzve dhe t'iu ofrojë atyre shërbimet, për të cilat ata kanë nevojë," theksoi Sekretarja e Shtetit.

Zonja Klinton tha se dëshironte që shihte prova të prekshme se qeveria e Afganistanit, në të gjitha nivelet deri në bazë, po iu përgjigjet nevojave të njerëzve.

"Afganët nuk dëshirojnë që të kthehen nën regjimin e talebanëve. Ata duan që të kenë një qeveri që të punojë për të mirën e tyre."

"Duke punuar bashkë, ne dhe aleatët tanë ndërkombëtarë mund të arrijmë rezultate në ngritjen e një force sigurie që mund të kujdeset vetë për sigurinë e vendit në të ardhmen," tha Sekretarja amerikan e Shtetit.

Zonja Clinton tha gjithashtu se administrata e presidentit Obama do t'i bindë amerikanët se lufta në Afganistan mund të fitohet.