Fëmijëve të varfër iu ishte premtuar një jetë më e mirë në Australi

Fëmijëve, nga familje të varfëra ose pa prindër, iu ishte premtuar një jetë më e mirë, por shumë prej tyre janë ankuar për abuzime fizike e seksuale në shtëpitë e përkujdesjes dhe fermat ku qenë vendosur në Australi.

Fëmijët, dikur migrantë, prej kohësh bëjnë thirrje që t'u kërkohet zyrtarisht ndjesë për skemën e migrimit e cila u zbatua deri në vitin 1967.

Në bazë të skemës së migrimit, fëmijë të bardhë të klasës punëtore largoheshin nga vendi për të ndihmuar në popullimin e ish-kolonive britanike.

Të hënën qeveria australiane pritet t'u kërkojë ndjesë britanikëve të dërguar në Australi në bazë të programit për migrimin e fëmijëve, shtatë mijë prej të cilëve jetojnë.

Disa prej migrantëve thonë se është pikërisht ky vendim i autoriteteve australiane që e ka bërë me turp qeverinë britanike dhe e ka shtyrë të kërkojë ndjesë.