Peshawari është vënë në shënjestër nga militantët

Media lokale njoftoi se një makinë e mbushur me eksplozivë u përplas në një postbllok të policisë në qytetin e Peshawarit.

Presidenti i Pakistanit, Asif Ali Zardari, e dënoi sulmin dhe tha se qeveria do të internsifikonte përpjekjet për ta spastruar vendin nga ekstremistët.

Të premten një autobombë në Peshawar shkatërroi zyrat e agjensisë kryesore të kundërzbulimit në vend dhe shkaktoi 17 të vrarë.

Qyteti i Peshawarit që ndodhet pranë kufirit me Afganistanin është vënë në shënjestrën e disa sulmeve të militantëve që nga muaji i kaluar kur ushtria pakistaneze nisi një ofensivë mbi talibanët në Vaziristanin e Jugut.