Mark Mardell Kryeredaktor i BBC-së

	Të gjitha opsionet për Afganistanin theksojnë më shumë trupa

Të gjitha opsionet përpara tij do të thonë një rritje të numrit të trupave.

Është dita e veteranëve në SHBA, një festë kombëtare dhe presidenti Obama do të vendosë një kurorë me lule në varrin e të panjohurve në varrezën Arlington National.

Ai e ka thënë në mënyrë të vazhdueshme se përpara se të dërgojë më shumë gra e burra në në zonat e rrezikshme ai duhet të sigurohet se strategjia në Afganistan dhe Pakistan është e drejtë.

Presidenti është kritikuar se ka nguruar pas zhvillimit të shumë takimeve me zyrtarë të lartë të stafit të tij, gjeneralë me katër yje, ambasadorë, krerë të CIA-s dhe Agjencisë për Sigurinë Kombëtare, Sekretaren e Shtetit dhe Serkretarin e Mbrojtjes.

Takimi i së mërkurës do të jetë i tetë, mund të jetë i fundit dhe sigurisht më i rëndësishmi.

Shtëpia e Bardhë ka thënë se përpara presidentit janë katër opsione, një prej të cilëve është për të mbështetur kërkesën e gjeneralit Mchrystal, kryekomandantit në Afganistan që kërkon 40 mijë trupa shtesë.

Nuk është e qartë se cilat janë opsionet e tjera.

Një burim nga administrata i ka thënë BBC-së se të gjitha opsionet kanë të bëjnë më dërgimin e më shumë trupave në Afganistan.

Të gjitha theksojnë vënien e tyre në mbrojtje të popullsisë dhe për stërvitjen e forcave vendase, sesa për të luftuar talebanët, ka thënë burimi.