Mark Doyle Korrespondent i BBC-së

	Charles Taylor tha se ish presidenti nigerian kishte gënjyer për të

Zoti Taylor përballet me krime lufte në gjykatën e posaçme për krime në Sierra Leone, për rolin e tij, siç pretendohet, në krime masive gjatë viteve 1990.

Ai u largua nga pushteti dhe jetonte në Nigeri që prej vitit 2006 kur edhe u arrestua.

Ai thotë se presidenti i Nigerisë në atë kohë, Olusegun Obasanjo, që është aktualisht i ngarkuar special për paqe i OKB-së e ka gënjyer atë.

Charles Taylor jetonte në mërgim në Nigeri në 2006 në kohën që rritej presioni amerikan që ai të përballej me krime lufte.

Pas kësaj, zoti Taylor zhduket papritur, në kohën që presidenti i atëhershëm nigerian, Olusegun Obasanjo shkonte për të takuar presidentin Bush në Uashington.

Pas këtij zhvillimi, po në mënyrë të papritur, nigerianët njoftojnë se e kishin arrestuar zotin Taylor teksa ai përpiqej të arratisej.

Ish udhëheqësi liberian tha para gjykatës se zoti Obasanjo i kishte thënë atij se mund të largohej lirisht prej vendit.

Ai tha se zoti Obasanjo kishte gënjyer botën kur kishte thënë se ai, CharlesTaylor, po përpiqej të arratisej.

Zoti Taylor tha se shpresonte që do të jetonte aq gjatë, sa për ta parë në sy zotin Obasanjo dhe për t'i kërkuar atij që të thotë të vërtetën për atë që ka ndodhur.