Jonathan Marcus Korrespondent i BBC-së

	Izraelitët nuk tërhiqen nga vendimi për të zgjeruar vendbanimet

Historia e shpresës së re për paqe në Lindjen e Mesme filloi me lulëzim.

Një president i ri që kërkonte të ndryshonte imazhin e Amerikës në botën arabe.

Një president që do ta vendoste paqen në Lindjen e Memse në krye të axhendës së tij që prej ditës së parë në detyrë.

Zoti Obama, duke marrë zemër nga votat e gati 80 për qind të komunitetit hebre në Amerikë sinjalizoi se ai do ishte personi që do ta ringrinte marrëdhënien e Uashingtonit me Izraelin.

Paqja me palestinezët ishte qëllimi.

Dhe nëse kjo do të thoshte që të ishte edhe një mik kritikues i Izraelit, pse të mos ndodhte.

Kanë kaluar 10 muaj dhe pas vizitave të përsëritura në rajon nga emisari amerikan George Mitchell, paqja duket më larg se kurrë.

Administrata Obama është e tmerruar nga fakti që paqja mund të jetë më larg, sesa ishte në ditët e mira të janarit.

Në fund të vitit 2008 kryeministri i larguar izraelit, Ehud Olmert i bëri një ofertë shumë të rëndësishme presidentit palestinez, Mahmoud Abbas.

Cilado qoftë arsyeja zoti Abbas hezitoi.

Ai e dinte se zoti Olmert do të zëvendësohej shumë shpejt.

Ndoshta ai priste prej presidentit të ri në Uashington që t'i siguronte një marrëveshje më të mirë.

Zoti Olmert dhe plani i tij i paqes u kthyen në histori.

Ai u zëvendësua nga Binyamin Netanyahu, qeveria e të cilit u votua në fund të muajit mars.

Që prej asaj kohe marrëdhëniet mes Izraelit dhe SHBA-së kanë qënë në anën e ulët të peshores.

Presidenti Obama ishte i vendosur për të këmbëngulur në ndalimin e ndërtimeve në Bregun Perëndimor.

Mahmoud Abbas e shfrytëzoi këtë si kusht për bisedime.

Por zoti Obama duket se në një periudhë afatshkurtër e ka gjykuar keq forcën e zotit Netanyahu.

Amerikanët nuk kanë për momentin as një marrëveshje për ndalimin e zgjerimit të vendbanimeve, as bisedime dhe as një rrugë të qartë përpara.