Majori Hasan dyshohet si autorti i sulmit

Gjatë sulmit humbën jetën 13 persona. Autori i tij dyshohet se është majori i ushtrisë, Nidal Malik Hasan.

FBI tha se majori Hasan kishte tërhequr vëmendjen e tyre vitin e kaluar gjatë një hetimi që nuk kishte lidhje me rastin.

FBI thotë se kishte interceptuar komunikimin mes majorit Nidal Malik Hasan dhe të një personi që raportohej si klerik radikal.

Rasti nuk u hetua më tej nga Byroja, pasi dukej se ai nuk binte ndesh me kërkimet akademike të z. Hasan si psikiatër i ushtrisë.

'Studime akademike'

FBI thotë se majori i kishte tërhequr vëmendjen në dhjetor të vitit të shkuar, si pjesë e hetimit të një task force të një agjensie anti-terrorizmi.

Atëherë ishte interceptuar një komunikim mes tij dhe një individi emri të cilit nuk jepet, por që nga të tjerë raportohej të ishte një klerik radikal i lindur në Amerikë, por që jetonte në Jemen.

Task forca nuk i vazhdoi më tej hetimet për rastin, pasi arriti në përfundimin se komunikimi nuk binte ndesh me studimet akademike që po kryheshin nga majori.