BBCAlbanian.com
 
Botuar: E martë, 10 nëntor 2009 - 07:49 CET
 
Dërgoja një miku   Version i printueshëm
Berlini feston rënien e Murit
 
Festimet në Berlin
Rrëzimi i 'murit' me domino
Një ditë me festime për të shënuar 20 vjetorin e rënies së Murit të Berlinit dhe komunizmit në Evropë, u mbyll në kryeqytetin e Gjermanisë me fishekzjarrë spektakolarë në portën e Branderburgut.

Shkatërrimi i tij kontribuoi në rënien e komunizmit, në bashkimin e Gjermanisë dhe në përfundimin e Luftës së Ftohtë.

Festimet kulmuan me deklaratat e udhëheqësve botërorë se rënia e Murit të Berlinit ishte bërë shembull për mënyrën se si duhet të përballohen sfidat e kohës moderne.

Pavarësisht nga shiu, dhjetëra mijëra vetë dolën për të kujtuar ata që vdiqën në mur dhe për të festuar kurajon e atyre që e shembën atë.

Pati muzikë- nga Beethoven, te Bon Jovi -- dhe përshëndetje për ish-udhëheqësin sovjetik, Mikhail Gorbachev dhe ish-presidentin polak Lech Walesa.

Mesazhe

Kancelarja Angela Merkel, që u rrit në Gjermaninë Lindore dhe iu bashkua turmave festive 20 vjet më parë, tha se ajo kishte qenë dita më e mirë e jetës së saj.

Në një mesazh përmes videos nga Uashingtoni, president Obama tha se përvjetori ishte një kujtesë se njerëzimi e ka vetë në dorë fatin e tij.

Kryeministri britanik, Gordon Brown, tha se banorët e Berlinit i jepnin shpresa Zimbabves në lotë dhe Birmanisë në zinxhirë.

Në vendin ku dikur ngrihej muri i Berlinit, u rrëzuan mijëra domino për të simbolizuar reaksionin zinxhir i cili 20 vjet në parë rrëzoi komunizmin në mbarë Evropën.

 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>