Zoti Feith tha se nëse serbët nuk marrin pjesë në votime, mund ta humbasin postin e kryetarit të komunës

Duke folur për mediat serbe, z.Feith tha se nëse ka bojkot nga serbët, nuk do të ketë emërim të përfaqësuesve serbë në postin e kryetarit në Shtërpcë dhe Novobërdë.

Ai tha se serbët do të jenë të përfaqësuar në asambletë komunale, por nëse nuk marrin pjesë në masë të madhe në votime, mund ta humbasin postin e kryetarit të komunës.

Por zyrtari i lartë evropian shfaqi besimin e tij se dalja e serbëve në zgjedhje nuk do të jetë e vogël.

Megjithë deklaratat e Beogradit se nuk ka kushte për pjesëmarrjen e serbëve në zgjedhjet e Kosovës, 22 subjekte politike nga ky komunitet janë në garë për të marrë pushtetin në komuna.