Kryeministri Brown thotë se përfitimet e bankave duhet të ndahen

Në një komunikatë përfundimtare, ata thanë se kushtet ekonomike ishin përmirësuar pas reagimit të koordinuar ndaj krizës.

Por përmirësimi ende ishte i pabarabartë dhe papunësia ende mbetej një shqetësim serioz.

Më herët, kryeministri britanik, Gordon Brown, propozoi një taksë mbi transaksionet financiare për të ndihmuar mbrojtjen e botës nga një krizë tjetër bankare.

Duke folur para ministrave të financave nga G-20 dhe vendeve në zhvillim, zoti Brown tha se nuk ishte e pranueshme që përfitimet e suksesit të bankave të merreshin vetëm nga një pakicë, ndërsa kostoja e dështimit të tyre të binte mbi të gjithë.

Zoti Brown tha se Britania nuk do të vepronte e vetme dhe çdo taksë e re mbi sistemin bankar duhet të ishte një marrëveshje globale.

Ai tha se kjo mund të formojë pjesë të një kontrate të re globale ekonomiko- sociale për të siguruar që takspaguesit kurrë më nuk do të mbanin mbi shpatulla koston e dështimit bankar.