Dy vendet u tha në takime kanë një përspektivë të përbashkët dhe do të punojnë së bashku në shumë fusha.

Marrëdhëniet mes Kosovës dhe Maqedonisë shënojnë një faqe të re.

Pas vizitës të ministrit të jashtëm të Kosovës Skënder Hysenit në Shkup, ku u takua me krerët më të lartë shtetëror dhe ata të partive shqiptare, ai tha se zhvillimet në rajon tashmë duhet të shihen në një frymë pozitive:

“Intensifikimi i komunikimit mes Shkupit dhe Prishtinës duhet të përceptohet si një ogur i mirë për gjithë rajoinin, si një lëvizje për të dnërtuar një frymë të re në ballkanin Perëdnimor”, tha ministri Hyseni.

Me vendosjen e marëdhënieve diplomatike, tani Shkupi dhe Prishtina do të intesifikojnë komunikimet në fusha të ndryshme.

Zyrtarët maqedonas thanë se Kosovën e shohin si një partner, me të cilën do të kenë bashkëpunime të rëndësishme dhe kjo ishte dëshmuar edhe në çështjen më delikate mes tyre, shënimin e vijës kufitare:

“Maqedonia është e gatshme që të zgjidhë çdo çështje kur ka një partner konstruktiv në anën tjetër”, tha Antonio Milloshovski ministri i jashtëm i Maqedonisë, i cili bashkë me homologun e tij kosovar, Skëndër Hysenin paralajmëruan edhe emërimin e ambasadorëve, çka do të ndodhë shumë shpejtë, pasi të përzgjidhen titullarët, për të cilët ka procedura të ndryshme në dy vendet.

Maqedonia njohu pavarësinë e Kosovës para më shumë se një viti, kurse vetëm para disa javësh përfundoi shënimi i vijës kufitare dhe u vendosën marrëdhëniet diplomatike.