Zgjedhjet janë planifikuar për në janar

Në një njoftim të transmetuar drejtpërsëdrejti në televizion, z. Abbas tha se e kishte marrë këtë vendim për shkak të ngecjes në procesin paqësor me Izraelin.

Në mesin e palestinezëve nuk ka ndonjë figurë që mendohet se mund ta zëvendësojë z. Abbas në post.

Korrespondentja e BBC-së në Ramallah, Bethany Bell thotë se pa të, fati i procesit paqësor bëhet dhe më i zymtë.

Vetë Z. Abbas foli të enjten dhe për procesin paqësor. Ai tha se ideja e krijimit të dy shteteve ishte në rrezik, por nuk ishte ende e pamundur.

Spekulime

Korrespondentja e BBC-së thotë se z. Abbas ka kërcënuar dhe herë të tjera me largimin nga pushteti.

Ka patur nga ata që kanë spekuluar se ky hap i zotit Abbas mund të jetë një taktikë negociuese përmes së cilës të sigurojë mbështetjen e vendeve arabe dhe atyre perëndimore.

Në të njëtën kohë, thotë Bethany Bell e BBC-së, nuk është e sigurt nëse zgjedhjet e janarit do të zhvillohen.

Hamasi që kontrollon Rripin e Gazës thotë se nuk do të marrë pjesë në to.

Z. Abbas nuk ka rritur dot gjatë qëndrimit në post që të sigurojë avancimin drejt arritjes së një marrëveshje paqësore në negociatat me Izraelin.

Më herët, zyrtarët e OÇP-së nuk e pranuan vendimin e tij për të mos kandiduar.