Matthew Price Korrespondent i BBC-së

Banka Qendrore amerikane, Rezerva Federale i kanë lënë të pandryshuara interesat, megjithë faktin që në tremujorin e fundit ekonomia amerikane u rrit për herë të parë këtë vit.

Ky është një tregues shumë i fortë që bankierët mbeten të shqetësuar lidhur me shëndetin e ekonomisë më të madhe të botës.

Megjithë një kthim të rritjes ekonomike, Rezerva Federale, vendosi për ta mbajtur interesin shumë pranë zeros.

Ajo shtoi se interesat do të mund të mbeten të ulta për një periudhë më të gjatë.

Banka beson se duke i mbajtur interesat e ulta, në nivele historike për ca kohë, do të ndihmojë që ekonomia ta marrë veten.

Kjo gjë e bën më të lirë marrjen e kredive dhe si rezultat edhe investimin.

Por ka nga ata që paralajmërojnë se shumë "para të lira" rrezikon fryrjen e aseteve dhe çmimet e mallrave.

Një tjetër fluskë mund të plasë kur Rezerve Federale do të vendosë që të rris interesat.

Është një veprim shumë delikat ekuilibrimi dhe nëse gabohet nuk do të jetë vetëm SHBA-ja ajo që do të vuajë.