ushtarët u vranë nga një polic afgan

"Brown përballet me persion në rritje pasi polici afgan vret pesë ushtarë," shkruan në faqen e parë e përditshmja Financial Times.

Ajo njofton se figura me peshë të partisë Laburiste së kryeministrit e kanë paralajmëruar atë se do ta shtojnë presionin rreth çështjes së Afganistanit.

Ajo e cilëson sulmin si njërin prej më të rëndëve mbi ushtarët britanike të tre viteve të fundit që nga koha kur ata u dislokuan në provincën jugore të Helmandit, një prej fortesave të talebanëve.

"Një tradhëti e përgjakshme," shkruan në faqen e parë e përditshmja Times.

Në kryeartikullin e saj gazeta shkruan: "Vrasja e pesë ushtarëve britanikë nga një polic afgan ka ringjallur dyshimet për misionin e Britanisë në Helmand".

Në të, gazeta shton se figura të larta jo vetëm të politikës, por dhe të diplomacisë dhe ushtrisë kanë paralajmëruar se mbështetja e publikut për praninë e Britanisë së Afganistan ishet në rrezik pa një strategji të qartë të ripërcaktuar të misionit.

"Debati rreth të ardhmes së misionit britanik në Afganistan është intensifikuar" pas këtij zhvillimi të fundit shkruan Daily Telegraph, ndërkohë që Independent hapet me titullin "Të vrarë nga armiku i brendshëm".

Konservatorët dhe BE-ja

Të përditshmet britanike i kushtojnë vëmendje dhe reagimeve ndaj deklaratave të udhëheqësit të partisë Konservatore këtu në Britani për marrëdhëniet me Bashkimin Evropian.

Sondazhet sugjerojnë se Konservatorët, një parti e njohur për euroskepticizmin, mund të fitojnë zgjedhjet e ardhshme parlamentare këtu në Britani që priten të mbahen para qershorit.

Z. Cameron tha se konservatorët do ta mbronin me ngulm sovranitetin e Britanisë së Madhe, por e pranoi se partisë së tij do t'i duhet të bëjë biznes me Brukselin në të ardhmen.

Deklarata e z. Cameroon për marrëdhëniet mes konservatorëve dhe bllokut, shkruan Financial Times, shkatërroi dhe ato pak shpresa (të euroskeptikëve të vijës së ashpër në gjirin e partisë së tij) se ai do të njoftonte për një gamë politikash shumë më të ashpra ndaj Bashkimit Evropian.

Në një artikull në faqet e brendshme ndërkohë, gazeta njofton se pas fjalimit 'Brukseli ka marrë frymë i lehtësuar'.

"Fjalimi duket se e pranon faktin që prioriteti duhet të jetë ekoniomia dhe jo nisja e një konflikti me BE-në," shkruan gazeta duke cituar një diplomat të BE-së.

Por e përditshmja Guardian në kryeartikullin e saj thekson qendrimin francez ndaj deklaratve të z. Cameroon.

Minsitri farncez për Evropën, shkruan gazeta, i ka përshkruar planet e Konservatorëve si plane "patetike" që "do ta lënë Britaninë të izoluar" në Evropë.

Disney në Kinë

Nga zhvillimet ndërkombëtare gazetat i kushtojnë vëmendje protestës së opozitës në Teheran dhe dënimit të agjentëve të CIA-s amerikane nga një gjykatë në Itali për rrëmbimin e një kleriku mysliman nga rrugët e Milanit në vitin 2003.

Një zhvillim tjetër për të cilin të përditshmet britanike shkruajnë në faqet ndërkombëtare është dhe miratimi nga autoritetet komuniste kineze i njlë plani për ndërtimin e një parku argëtimi të Walt Disney-t në Shangai.

Times nënvizon se njoftimi bëhet vetëm pak ditë para se presidenti Obama të vizitojë Kinën, vizitë kjo e paraparë të zhvillohet në 15 nëntor.