Andrew North BBC, Kabul

	Pesë punonjës të OKB-së humbën jetën gjatë një sulmi në Kabul

Ky vendim vjen pas një sulmi mbi një bujtinë për punonjësit e OKB-së në Kabul, ku mbetën të vrarë pesë vetë.

Vendimi i OKB-së do të thotë që gati gjysma e personelit ndërkombëtar prej 1300 vetësh, do të nxirret nga Afganistani për gati një muaj.

Përmes një deklarate, thuhet se zhvendosja afatshkurtër bëhet me qëllim që të shtohen masat e sigurisë për përsonelin e OKB-së.

OKB thotë se aktivitetet kryesore si shpërndarja ndihmave ushqimore nuk do të preken, sepse këto operacione kryen nga punonjës afganë, megjithatë vendimi është dramatik.

Në fakt shtohet se masat ekzistente të sigurisë nuk janë të mjaftueshme.

Ndërkaq në Helmand, trupat britanike vazhdojnë të jenë në kërkim të policit afgan që vrau pesë ushtarë britanikë ditën e martë.

Hetimet vazhdojnë për të gjetur nëse ai ka lidhje me Talebanin.