The Financial Times ka artikullin me titull "Karaxhiq do të bëjë paraqitjen e parë në sallë të gjyqit."

Gazeta citon deklaratën e djeshme të kryeprokurorit të çështjes, Alan Tieger i cili tha se keqardhja e vetme e Karaxhiqit mbi masakrën e me shumë se 7500 burrave dhe djemve në Srebrenicë ishte se disa i shpëtuan masakrës të cilën, avokati e quajti "një nga kapitujt më të errët të historisë njerëzore".

Karaxhiq deri më tani ka refuzuar të largohet nga qelia e vet që me fillimin e procesit gjyqësor, thotë gazeta, duke pretenduar se nuk kishte kohë të mjaftueshme për të përgatitur mbrojtjen e tij.

Bojkoti i Karaxhiçit, shkruan gazeta, duket sikur e ka venitur këtë rast, një nga më të mëdhenjtë në Hagë që nga procesi i ish presidentit jugosllav, Millosheviç.

Po për këtë zhvillim, The Times shkruan "Karaxhiç do të argumentojë se i duhet më shumë kohë."

Radovan Karaxhiq, shkruan gazeta, më në fund do të përballet me gjykatësit në Hagë sot pasi informoi gjykatën se do t'i japë fund bojkotit 3 ditor.

Thuhet se Karaxhiq i ka shkruar gjykatësit të çështjes se "Shpresoj se do të kemi mundësi të gjejmë një zgjidhje që do të çojë jo vetëm në një gjyq të shpejtë, por edhe të drejtë. "

The Indipendent ka artikullin "Karaxhiq do përballet me gjykatën. "

Ndërsa The Daily Telegraph ka artikullin "Keqardhja e vetme e Karaxhiqit ishte se disa myslimanë shpëtuan." Në fjalimin përmbyllës, prokurori i çështjes e ka akuzuar Karaxhiqin për " përgjegjësi personale " për një nga kapitujt më të errët të historisë së njerëzimit.

Në zhvillime të tjera, The Daily Telegraph shkruan "Miliband injorohet mbi vrasjen me helm." Në një paraqitje të përbashkët mjaft të tensionuar, shkruan gazeta, që duket se e ka hidhësuar disi vizitën e parë të një sekretari të jashtëm Britanik në Moskë që prej pesë vjetësh, zoti Miliband dhe Lavrov publikisht nuk ishin dakord mbi faktinn nëse Britania kishte ofruar fakte të mjaftueshme për të ekstraduar të dyshuarin mbi vrasjen e Litvinenkos në 2006.

Po për këtë vizitë, The Indipendent shkruan " Miliband merr një pritje të akullt në misionin debutues në Moskë. "

Marrëdhëniet e acaruara ishin të dukshme kur Rusia përsëri refuzon kërkesën e sekretarit të jashtëm britanik për ekstradim të të dyshuarit Litvinenko.

The Times shkruan "Hija e Litvinenkos ndjek udhëtimin e Milibandit në Rusi. "

Ndërsa nga zhvillimet në Afganistan disa tituj që veçojmë për sot janë.

The Times shkruan " Perëndimi përshëndet Karzain si fitimtar." Por në një artikull tjetër shkruhet " Po kush është në kontroll në vend? " Si dhe "Karzai duhet tani të fillojë reformën e vërtetë politike."

The Daily Telegraph shkruan " Perëndimi përshëndet fitoren e Karzait më në fund në zgjedhjet afgane."

Por Londra dhe Uashingtoni, shkruan gazeta, gjithashtu e bënë të qartë se ata presin që presidenti i rizgjedhur duhet të bëjë lëvizje të menjëhershme drejt forcimit të forcave të armatosura, luftimit të korrupsionit dhe ofroimit të një roli brenda qeverisë të opozitës së mundur.

The Guardian shkruan " Të gjithë sytë te Karzai ndërsa perëndimi shton presionin për ndarje të pushetit."