Ku Klus Klan kanë vrarë dhe kërcënuar shumë zezakë

Në vitet gjashtëdhjetë, afrikano-amerikanët u kërcënuan dhe u vranë vetëm se donin të votonin.

Po a mundet tani Amerika të përballet me të shkuarën e vet? Philippa Thomas e BBC ishte në Jackson, Misisipi ku u takua me një gazetar që po heton këto krime të urrejtjes dhe një familje që ai ka ndihmuar të gjejë drejtësinë.

Këto janë familja Dahmer. Bettie Dahmer ishte dhjetë vjeç dhe kur nëna e zgjoi nga gjumi, ajo nuk e pati idenë se çfarë po ndodhte.

"Ajo çka dija unë ishte se shtëpia ishte në mes flakëve, im atë po qëllonte dhe ime më po thonte që të zgjohesha. Na duhej të largoheshim nga shtëpia, " kujton ajo.

Bettie Dahmer i mbijetoi zjarrit që iu vu shtëpisë së saj nga Ku Klus Klan. I ati i saj, udhëheqës për të drejtat civile, Vernon Dahmer vdiq nga plagët.

Dhe për dekada pas natës së 1966, personat që i vunë flakën shtëpisë nuk u dënuan, derisa gazetari Jerry Mitchell u përfshi.

"Kishte konspiracion të një qetësie rreth këtyre rasteve pasi njerëzit kishin frikë, kishin frikë të flisnin, të thonin ndonjë gjë. Kishin frikë të vepronin se mos vriteshin," na thotë Jerry Mitchell i cili ende merr kërcënime të ndryshme me vdekje.

Por ai thotë se nuk do të pushojë së punuari. Deri më tani ai ka futur 4 vrasësa në burg në 15 vitet e fundit.

Në zyrën tij në në gazetën, Clarion Ledger ai na kujton vitet 60 kur Ku Klus Klani digjte kryqe dhe afrikano-amerikanët qëlloheshin, digjeshin apo vareshin.

"Vrasja është krimi më i rëndë dhe fakti se këta persona nuk u dënuan ende kur të gjithë e dinin, e bënte situatën edhe më të padrejtë dhe më zemëroi akoma më shumë," thotë ai.

Familja e Vernon Dahmer e humbi atë pasi ai pati kurajon të luftonte për të rregjistruar votat e zezakëve. E veja e tij, Ellie kujton se kur Ku Klus Klani shkoi në shtëpinë e tyre, ata sapo ishin rehatuar pas vite turnesh nate.

Fakti se këta persona nuk u dënuan ende kur të gjithë e dinin, e bënte situatën edhe më të padrejtë...   Gazetari Jerry Mitchell

Vajza e Vernon dahmer, Bettie ka ende plagë në krahë kur njëri nga prindërit ia kaloi tjetrit në mes dritares të mbuluar nga flakët. E pyetëm se kë thirrën ata për ndihmë:

"Në atë kohë, policia në Misisipi ishte le të themi 75% anëtarë të Ku Klus Klanit ose simpatizantë të Ku Klus Klanit. Zezakët nuk kishin askënd që t'i ndihmonte. Ata thonin- zezak nëse do të kishe parë punën tënde, kjo nuk do të kishte ndodhur."

Personi pas vrasjes së Dahmerit ishte anëtari i Ku Klus Klanit në Misisipi, Sam Bowers. Ai ishte i paprekshëm nga ligji deri sa Jerry Mitchell vendosi të vepronte ndryshe. Tre vjet më parë, ai vdiq në burg.

Mitchell e ndërtoi çështjen mbëshetur në mijëra dokumenta, në gjetjen e dëshmitarëve, por edhe duke forcuar lidhjet me supremacistët e bardhë vetë.

"Natyrisht që kisha avantazh në faktin se jam i bardhë, jam nga jugu dhe kam pothuajse të njëjtën prejardhje si ata. Kjo është arsyeja pse dal të ha me ta që të bisedojmë dhe vë re se ata duan të tregojnë ngjarjet dhe historitë, edhe kur janë anëtarë të Ku Klus Klanit. Ata besojnë se bënë gjënë e duhur."

Sot agjentë të FBI-së kanë një listë të 43 rasteve të ashtuquajtura të ftohta nën hetim në Misisipi dhe në jugun e largët.

Si Jerry Mitchell, agjenti i FBI-së, Walter Henry po punon për të nxjerrë të shkuarën që shumë banorë të Misisisipit do të donin të harronin.

"Një nga gjërat e vështira, kur bisedon me objektin e hetimit, është se ti i afrohesh atyre dhe bisedon me ta për anëtarët e familjes dhe disa nuk e kanë idenë se ndonjë nga anëtarët e familjes është përfshirë në këto krime të motivuara nga raca. Por të duhet të jesh mjaft i kujdesshëm."

Por ka dhe nga ata që janë kundër këtyre hetimeve duke i quajtur ato si gjueti shtrigash, siç thotë edhe Richard Barret, avokat që ka punuar në mbrojtje të Ku Klus Klanit dhe që sot drejton Lëvizjen Nacionaliste:

"Njerëzit që ata hetojnë janë tashmë të vjetër, të sëmurë, të varfër, të lodhur. Ata më pas vdesin. Është një farsë."

Por jo sipas agjentes së FBI-së, Jenny Williams:

"Mendoj se farsë ishte krimi që u krye atëherë. Dhe fitorja e drejtësisë është gjithmonë qëllimi pse ne i bëjmë këto hetime.

Jerry Mitchell thotë se Amerika duhet të përballet me të shkuarën që të ecë përpara. Ai po vazhdon punën mbi rastin e djeges së tre aktivistëve të të drejtave civile në 1964 të njohur si Mississippi Burning.