Gazetat janë të ndara për kandidaturën

Pakistani premton që të mos përkulet para sulmeve thuajse të përditshme të militantëve talibanë, shkruan Financial Times.

Sulmi i së martës, më i rëndi i dy vjetëve të fundit, thuhet më tej në artikull, përshëndeti Hillary Clinton, Sekretaren amerikane të Shtetit me të mbërritur për një vizitë në vend.

Po në faqen e parë gazeta boton një fotografi pas shpërthimit në Peshawar, në okelion e së cilës shkruhet se shpërthimi "shihet nga diplomatët si një mesazh i qartë për Amerikën".

Dhe Guardian në faqen e parë boton fotografinë e një fëmije të plagosur gjatë sulmit në Pakistan, ndërkohë që në faqet e brendshme boton dhe një artikull për sulmin në të njëjtin ditë në Afganistanin fqinjë, në një banesë ku strehoheshin punonjës të OKB-së.

"Sulmi me bombë i vë në rrezik zgjedhjet," shkruan gazeta duke iu referuar raundit të dytë të zgjedhjeve presidenciale në vend që janë parashikuar të mbahen në datën 7 nëntor.

Zhvillimet zënë vendin kryesor dhe në faqet ndërkombëtare të së përditshmes Times, e cila në një koment shkruan sot se sulmi në Kabul mund ta detyrojë OKB-në që të tërhiqet prej andej.

Por në artikull shtohet se persona brenda organizatës, cila është e pranishme në Afganistan që prej 50 vjetësh, paarshikojnë një tërheqje të pjeshme si mundësi.

Blair për president

Në faqen e parë Times ndërkohë boton një fotografi të ish-kryeministrit britanik, Tony Blair nën titullin: 'Unë jam njeriu që iu duhet'- bëhet fjalë për të marrë postin e presidentit të BE-së.

Në kryeartikull gazeta shkruan se ka mësuar se Blair do të kandidojë për postin nëse udhëheqësit e BE-së do të binin më parë dakord se ai është një post substancial që do të kishte peshë në skenën botërore.

Duke cituar "miq" të z. Blair, Times shkruan se ai do të hiqte dorë nga interesat fitimprurëse komerciale për një post që do t'i mundësonte të bënte 'një punë në të mirë të Evropës' dhe se ai po priste 'me interes të madh' rezultatet e bisedimeve për këtë çështje mes liderëve evropianë.

Kjo është në fakt një çështje me të cilën shtypi britanik merret gjerësisht.

Financial Times shkruan në një editorial se Blair-i është personi i gabuar për postin.

Gazeta shkruan se angazhimi i z. Blair në luftën në Irak, nuk shkon në avantazh të kandidaturës së tij.

Gazeta shkruan se për një post të tillë nuk mjafton vetëm fakti që ai është emër i njohur në politikën ndërkombëtare.

Posti, shkruan gazeta nuk ka të bëjë me vënien në vend të repuitacionit të tij, por "ka të bëjë me promovimin e çështjes evropaine, brenda dhe jashtë. dhe për këto arsye, shkruan gazeta, ai nuk është aspak bindës".

Gazeta shkruan se bisedimet që do të zhvillohen mes treshes Brown, Merkel dhe Sarkozy për preferencat e tyre për postin në prapaskenat e samitit të udhëheqësve të BE-së nuk pritet të dalin me ndonjë rezultat zyrtar.

Procesi zyrtar u zgjedhjes, shkruan gazeta me gjasë do të diskutohet në një samit të posaçëm të BE-së "ndoshta në gjysëm e dytë të muajit të ardhshëm".