Steve Rosenberg Korrespondent i BBC-së

	Rreth 400 mijë libra do të ekspozohen në Panairin e këtij viti

Në të marrin pjesë rreth 7000 mijë ekspozues që prezantojnë 400 000 libra.

Por pa hapur ende dyert panairi shkaktoi zhurmë me zgjedhjen e Kinës si të ftuarën e nderit.

Çdo vit panairi i Librit në Frankfurt zgjedh një temë speciale dhe këtë vit kjo është Kina.

Qindra botues dhe tregtarë të librit nga Kina marrin pjesë në këtë eveniment pesëditor, përmes prezantimit të letërsisë dhe kulturës së vendit.

Zgjedhja e Kinës si e ftuar nderi ka shkaktuar kritika nga grupet për të drejtat e njeriut që i akuzojnë autoritetet në Pekin se kufizojnë lirinë në literaturë.

Zëvendëspresidenti i Kinës, Xi Jinping mori pjesë në hapjen zyrtare të panairit.

Ai tha se vendi i tij ishte i hapur ndaj elementeve prej jashtë, por vetëm mbi bazat kulturore të Kinës.

Kancelarja Merkel premtoi se në bisedimet e saj me zyrtarin kinez nuk do të kishte tabu.

Ky parim, tha ajo, ishte thelbi i lirisë së shprehjes.

Jo të gjitha prezantimet janë sanksionuar nga Pekini.

Disidentëve dhe kritikëve kinezë u është dhënë hapësirë për të eskpozuar punët e tyre.