Herta Muller u largua nga Rumania në 1987 për shkak të censurës

Shkrimtarja është e njohur për përshkrimin që i ka bërë jetës brenda minoritetit gjermanishtfolës, në regjimin e ish udhëheqësit komunist, Nikolae Çeaushesku.

Akademia suedeze tha se se Mueller kishte përshkruar pejsazhin e të deprivuarve, përmes përqëndrimit në poezi dhe prozës së sinqertë.

Herta Mueller pason shkrimtarin francez të vitit të kaluar, Jean-Marie Gustave Le Clezio, që e fitoi këtë çmim në 2008 dhe shkrimtaren britanike Doris Lessing që u nderua me Nobel në 2007.

Mueller lindi në vitin 1953, në një familje që i përkiste minoritetit gjerman në rajonin Banat të Rumanisë.

Pas luftës së Dytë Botërore, nëna e saj u deportua në një kamp sovjetik pune të detyruar.

Herta Mueller u largua nga Rumania për në Gjermani në vitin 1987, për shkak të vështirësive që ndeshi në publikimin e veprës së saj.

Ajo u shkarkua nga puna në vitet 1970, sepse nuk pranoi të bashkëpunonte me policinë sekrete të regjimit.

Përmbledhja e saj e parë me tregime në gjuhën gjermane u botua në Rumani e censuruar në vitin 1982.

Shkrimet e para të Hertha Mueller u dërguan jashtë vendit në mënyrë të fshehtë.

Disa vite më vonë shkrimtarja u nderua me disa çmime në letërsi, përfshirë edhe atë Dublin Impac Award në vitin 1998.

Një prej veprave të saj të fundit, "Takimi" i botuar në vitin 2001, sjell përshkrime mjaft të hollësishme të jetës në diktaturë.

Shkrimtarja bashkë me çmimin Nobel nderohet edhe me 10 milion korona suedeze (892 mijë stërlina).

Çeremonia e dhënies së çmimit do të zhvillohet më vonë gjatë këtij viti në Stokolm.