Ky numër pritet të shkojë në gati 17 milion në vitin 2020 nga nën 13 milion që është sot.

Raporti është hartuar nga Departamenti Informativ i grupit The Economist, (që boton edhe revistën me të njëjtin emër) me iniciativë të Fondacionit Lance Armstrong dhe me mbështetjen e Shoqatës Amerikane të Kancerit (American Cancer Society).

Vendet me të ardhura të ulta dhe të mesme do të kenë rreth 62% të 12.9 milion rasteve të reja të rregjistruara në vitin 2009.

Dëgjoni programin Forum

Ndërkohë vetëm 5% e burimeve globale për të luftuar kancerin shpenzohen në botën në zhvillim.

Raporti thotë se deri në vitin 2020, numri i rasteve të reja me kancer do të arrijë në 16.8 milion dhe 65% për qind e tyre do të jenë në vendet në zhvillim.

Kanceri vret më shumë njerëz në vit, sesa HIV/AIDS, malarja dhe turbekulozi të marra së bashku.

Studimi ekzaminon problemin që përbën kjo sëmundje në 172 vende të botës.

Për të mësuar për situatën në rajon ne diskutojmë në Forumin tonë të rradhës, programi i përditshëm debat me të ftuar nga rajoni.

Duke marrë shkas nga raporti i mësipërm, si pritet ta përballojë rajoni ynë këtë problem në të ardhmen?

Në çfarë niveli janë shërbimet në ndihmë të të sëmurëve? Si bëhet diagnostikimi dhe a ka kontrolle rutinë që diktojnë sëmundjen në fazat e hershme?