Kthehen në atdhe trupat e të vrarëve

Ditën e martë kthehen në atdhe trupat e tetë ushtarëve britanikë të vrarë brenda një dite, javën e kaluar në Afganistan.

Tetë familje do të mblidhen për të pritur trupat e baballarëve, vëllezërve dhe bijve që bëjnë udhëtimin e tyre të fundit prej provincës Helmand.

Banorët e qytetit Wootton Bassett do të qëndrojnë përsëri në heshtje në rrugë për të nderuar të rënët.

Ky ritual solemn është kryer pothuajse 70 herë dhe dy herë javën e kaluar.

Zëdhënësi i forcave britanike që shërbejnë në provincën Helmand në Afganistan ka thënë se ushtarët dhe ushtaret janë shumë mirënjohës për mbështetjen e publikut.

Ditën e hënë, kryeministri britanik, Gordon Brown, u bëri nderimet e tij ushtarëve të rënë dhe e pranoi se javët e fundit kishin qënë "një kohë e vështirë dhe trishtuese".

Por megjithë debatin politik, ai këmbënguli se trupat britanike në Afganistan kishin burimet e nevojshme për të bërë punën e tyre.