Botuar: E diel, 05 korrik 2009 - 18:04 CET

Në Bullgari votohet për qeveri të re

Bullgarët kanë votuar në zgjedhje parlamentare me korrupsionin dhe efektet e krizës ekonomike në mes çështjeve më kryesore.

Socialistët e kryeministrit, Sergei Stanishev, u përballën me sfidë të fortë nga partia e të djathtës së qendrës, GERB, drejtuar nga kryetari i bashkisë së Sofjes, Boiko Borisov.

Në rezulatet paraprake duket se partia GERB ka marrë shumicën e votave por asnjë parti nuk pritet të marrë vota të mjaftueshme për të qeverisur e vetme.

Zoti Stanishev theksuoi gjatë fushatës suksesin e futjes së Bullgarisë në BE, ndërsa zoti Borisov theksoi luftën kundër krimit dhe korrupsionit.

Si Lëvizja Turke për të drejta dhe liritë dhe kundërshtarët e tyre më të mëdhenj, ultranacionalistët Ataka pritet të hyjnë në parlament me numra të rehatshme.

Se sa parti të tjera dhe koalicone do të kapërcejnë 4%, do të jetë thelbësore në formimin e qeverisë së ardhshme.

Nëse parlamenti përbëhet nga 7-8 parti, priten bisedime të forta për koalicion në një kohë kur Bullgaria ka nevojë për një qeveri të fortë për të përballuar problemet ekonomike dhe juridike.